BPGren gaineko I+Gko gastua ikustean Gipuzkoak egin duen ahalegina nabarmena izan da, %1,79, aurreko urtean baino zortzi ehunen gehiago, Eustaten datuen arabera. Adierazle hori %1,34 izan zen Bizkaian eta %1,22 Araban; hiru eskualdeetan Espainiako batez bestekoaren (%1,20) gainetik baina Europakoaren azpitik (%1,84).

2006. urtean Euskal AEn 908 milioi euro gastatu ziren Ikerketa zientifiko eta Garapen Teknologikoko (I+G) jardueretan, BPGren %1,47. Gastu horretatik 420 milioi Bizkaiari dagozkio (% 46), 363 Gipuzkoari (% 40) eta 125 Arabari (% 14).

1. grafikoa: I+Gko barne-gastua, BPGrekiko (%).

Iturria: EUSTAT, INE(Espainia) eta EUROSTAT (Europar Batasuna)

I+Gko barne-gastuaren batez besteko hazkundea, aurreko urtearekin alderatuta, %10ekoa izan zen. Batez besteko hori Gipuzkoakoak gainditu du, %14; Araban %9 hazi zen eta Bizkaian %8.

2. grafikoa: I+Gko gastuak, egikaritze-sektorearen arabera (%)

Iturria: Eustat

Egikaritze-sektoreari dagokionez, lurralde historiko bakoitzak berezitasunak agertzen ditu. Araban, oraindik ere oso garrantzitsua da Administrazio publikoaren gastua (Arabako gastu guztiaren %5,7) administrazioaren mendeko erakunde asko bertan kontzentratzen direlako; aurten I+Gra bideratutako baliabideak %6,3 murriztu badira ere 2005aren aldean. Enpresek eta unibertsitateak aurreko urtean baino %10 gehiago egikaritu dute.

Bizkaian %17 hazi da administrazioaren gastua 2006an zehar aurreko urtearen aldean. Unibertsitate-sektorea nabarmentzen da, batez ere (Bizkaiko gastuaren %20,6) Euskal Herriko Unibertsitateko Zientzia Fakultateak Leioako kanpusean kontzentratuta daudelako.

Gipuzkoan gastu txikiena duen sektorea administrazioa da (gastu guztiaren %0,9) baina enpresen sektorea asko nabarmentzen da, ehundura espezifikoaren eta zentro teknologikoen presentziaren ondorioz. Maila altuari eusten dio unibertsitate-sektoreak ere, teknologia-fakultateen proportzio handiaren eraginez eta I+Gra bideratutako baliabideek aurten izan duten hazkundearen (%20) eraginez.

Finantzaketa pribatuaren garrantziak (%61), estatuko batez bestekoaren gainetik (%47) kokatzen ditu hiru lurraldeak, Alemania, AEB, Suitza eta Belgikaren parean, enpresek ikerketara bideratutako baliabideei dagokienez.

1. taula: I+G adierazleak, lurralde-eremuka

DOE: dedikazio osoko baliokidetza

Europako Batasuneko datuak 2006koak edo azken urte eskuragarrikoak dira

Iturria: EUSTAT, INE(Espainia) eta EUROSTAT (Europako Batasuna)

Gasturik handiena eta pertsonal gehien duen diziplina zientifikoa ingeniaritza eta teknologia da oraindik ere herrialde guztietan. Lurralde historiko bakoitzak diziplina horretara dedikatu zituen gastu-portzentajeak honakoak izan ziren: Gipuzkoak %81%, Arabak %74 eta Bizkaiak %67.

Emakumeek I+G jardueretan duten parte-hartzeari dagokionez, Araban langile guztien %32 eta Gipuzkoan %29 izan dira emakumezkoak; Bizkaian, ostera, %35.

Euskal AEn egindako I+Gko gastuaren %31 enpresa txikietan gauzatu da

50 langile baino gutxiagoko enpresek enpresa-sektoreko I+G gastuaren %31 egikaritu zuten. Portzentaje hori %41 da Araban, %28 Gipuzkoan eta %31 Bizkaian (erkidegoko batez bestekoa)