2007ko bigarren hiruhilekoan izandako 4.304 heriotzek %3ko hazkundea eragin zuten, iazko aldi beraren aldean, Eustatek landutako datuen arabera. Lurraldez lurralde, Araban 540 lagun hil ziren, Bizkaian 2.362, eta Gipuzkoan 1.402.

Tumoreengatik 1.398 pertsona hil ziren (%32,5), lehenengo kausa izan zelarik. Bigarren kausa nagusia zirkulaziosistemako gaixotasunak izan ziren eta 1.234 pertsonaren heriotza eragin zuten (%28,7). Hirugarren tokian arnas aparatuko gaixotasunak daude; 359 heriotza eragin zituzten (%8,3).

Heriotzen kausak ez ziren berdinak izan sexu batean eta bestean: gizonezkoen artean, tumoreak (%40,1) hilgarriago gertatu ziren zirkulazio-aparatuko gaixotasunak (%25,6) baino; emakumezkoen artean, berriz, heriotza-kausa nagusia gaixotasun kardiobaskularrak (%31,9) izan ziren, eta tumoreak (%24,2) bigarren.

2007ko bigarren hiruhilekoan izandako hildakoen artean, 22 urtebetetik beheragoko haurrak izan ziren: 8 mutiko eta 14 neskato.

2007ko bigarren hiruhilekoaren hazkunde begetatiboa positiboa izan zen, 759 biztanle gehiago. Saldoak positiboak izan ziren hiru lurraldeetan: Araban 211, Bizkaian 200 eta Gipuzkoan 348.

1. taula: Euskal AEko heriotzak sexuka, heriotza-kausaren arabera. Hiruhilekoen alderaketa.

Iturria: EUSTAT