Euskal AEko Internet erabiltzaileek gehien bat komunikabideen orrietara jotzen dute, gero aisiara, instituzionaletara, banku elektronikoetara eta bidaietara., Eustatek landutako datuen arabera.

Web orri bisitatuenak “elcorreodigital.com” da; Internet erabiltzaileen artean %12,7k jotzen dute bertara, 98.900 aipamen guztira. Hurrengo komunikabide bisitatuenak hauek dira: “diariovasco.com”, %7,1, eta “marca.es”, %5,3.

Komunikabideen ondoren aisiarekin erlazionatutako mezularitzako orriak nabarmentzen dira, “hotmail.com”, esaterako, %4,2k aipatzen du Internet erabiltzaileen artean, eta “Messenger.es” %4k.

Banku elektronikoek goraka darraite web bisitatuenen rankingean

Orri bisitatuenen artean bankuek bezeroei eskainitakoak daude: “kutxa.net” orriak seigarren postuari eusten dio aipamenen %3,5ekin; “bbk.es” hamargarrenetik bederatzigarrenera pasatzen da (%3,2), eta “cajalaboral.es” 19.etik 14.era (%1,8).

Eusko Jaurlaritzaren orria, “euskadi.eus” %3,3k aipatzen du, eta 2007ko laugarren hiruhilekoan bosgarren izatetik zazpigarren izatera pasatu zen; 25.500 aipamen ditu.

20 web orri bisitatuenen rankingean albiste da “ebay.com”, erosketak egiteko weba 18. agertzen dela, 11.900 aipamenekin.

Aurrerapen nabarmenak ondokoek dauzkate: “wikipedia.org”, 12. rankingean; “elmundo.es” eta “iberia.com”, denek 4tik 9ra bitarte postuz egin dutelarik aurrera. “fotolog.net” orria lehen 25en artean sartu da, 51. izatetik 22. izatera etorri delarik.

Euskadiko Internet erabiltzaileen artean %97,1ek “google” bilatzailea erabiltzen du

Google da Euskadiko Internet erabiltzaileen bilatzaile kutuna; gainerakoak bazterrera bultzatu ditu. Kolektibo honen %97,1ek, 15 urte eta gehiagoko 860.000 mila internautak baino gehiagok, Google dute erreferentzia; %2,2k Yahoo eta %0,5ek Terra Google-ren erabiltzaileak orain urtebete baino 33.500 gehiago dira.

Internet erabiltzaileek gehien aipatu dituzten 20 weben rankinga. 2007ko II. eta IV. hiruhilekoak.

Iturria: Eustat