EUSTATek landutako datuen arabera, 2006an Euskal AEko industri sektoreko balio erantsian %5,9ko hazkundea izan zen. Batez bestekoaren gainetik hazi diren industri sektoreak hauek izan dira: Metalurgia eta metalezko gaiak, Ez-metalezko industria, Zurgintza, Material elektrikoa eta Makineria.

Industri enpleguan %0,5eko hazkundea izan zen 2006an, eta 16 industri sektoreetako 6retan, hazkundea ehuneko horren gainetik ibili zen. Azken hamar urteetako balantze moduan, industri sektorean ia berrogeita hamar mila enplegu gehiago ditugu, 1997ko 202.088tik 2.006ko 250.862ra.

Industria-sektorearen bilakaera 1997-2006. Hazkunde tasak (%)

Iturria: Eustat

2006an, Euskal AEko industri bilakaeran, hauek izan dira alderdi aipagarrienak:

Industri balio erantsiaren hazkundea Euskal AEko sektore pisutsuenen hazkundean bermatu da. Energia elektrikoa, gasa eta ura %15,4 hazi zen, Metalurgia eta metalezko gaiak %9,2, Makineria %7,5 eta Material Elektrikoa %7,5 baita ere. Sektore hauetan ere hazkunde aipagarriak izan ditugu: Larruaren eta oinetakoen industria (%33,4); Ehungintza eta jantzigintza (%26,9); Zurgintza (%14,7); Ez-metalezko industria (%9,4); Metalezko eta ez-metalezko meak (%8,0). Horiek denak industriako batez bestekoaren gainetik ibili ziren. Hazkunde negatiboak hauek izan zituzten: Petrolioa fintzea (%-29,6); Kautxu eta plastikoa (%-4,3) eta Elikaduraren industria (%-1,3). Batez bestekoaren azpitik izan ziren, baita ere: Garraio materiala (%4,0); Papera, edizioa eta arte grafikoak (%4,8); Industria kimikoa (%4,8) eta Beste manufakturak (%5,5).

Ustiapeneko soberakin gordina %6,8 igo da, hazkunderik handienak sektore hauetan izan direlarik: Energia elektrikoa (%18,0); Ez-metalezko industria (%17,9); Metalurgia eta metalezko gaiak (%15,9) eta Makineria (%10,6).

Industriako cash-flowa %4,9 hazi da eta Zerga aurreko emaitza %2,6

Industriako aldagai nagusiak. Euskal AE. Uneko prezioak.

Iturria: Eustat

2006an jaitsi egin dira Industriak egindako inbertsioak, %-3,0.

Negozio zifra %9,1 hazi da 2006an, aurreko urtearen aldean.

Enplegu-hazkunderik handienak: Petrolioa fintzea (%5,3), Zurgintza (%4,2), Material elektrikoa (%3,2). Baina Metalurgia eta metalezko gaietan izan da enplegu-sortze garbi handiena azken urtean, 1.076. Bestalde, Pertsonal–kostuak %5,1 hazi ziren.

2006an Gipuzkoak izan zuen industri hazkunderik handiena, %8,6. Makineriak (%8,6) eta Metalurgia eta metalezko gaiak (%9,0) azpimarragarriak dira. Bizkaian %4,6 hazi zen industria eta %3,8 Araban.

Eraikuntzaren sektorea %9,4 hazi zen 2006an

Eraikuntzaren sektoreak %9,4ko hazkunde nominala izan zuen Euskal AEn. %9,5 Araban, %6,2 Bizkaian eta %16,8 Gipuzkoan

Eraikuntzako aldagai nagusiak. Euskal AE. Uneko prezioak.

Iturria: Eustat

Eraikuntzan %3,4 hazi zen langileria, 2005ean baino puntu erdia gehiago. Guztira 96.312 pertsona, aurreko urtean baino 3.136 gehiago.

Ustiapeneko soberakin gordina %8,0 hazi da eta Pertsonal-kostuak %10,3.

Aurten egindako inbertsioak %20 gutxiago izan dira aurreko urtean baino.

Negozio zifra %17,1 hazi da, urteko tasan, 2006an.

Zerga aurreko emaitzak %7,1 hazi ziren; Cash-flowa %9,3, eta Amortizazioak %23,4.