341.616 pertsonak zuten asistentzia sanitarioko aseguru mediko pribaturen bat kontratatua Euskal AEn ari diren enpresekin 2006an; aurreko urtearen aldean %6,8ko hazkundea da eta azken hamaika urteetako (1996-2006) kopururik handiena, Eustaten datuen arabera.

Poliza-motaren arabera, banakakoan edo familiarrean zeuden aseguratu kolektiborik handiena (%47,5); ondoren talde-aseguruak (enpresak edo beste kolektiboak, %35,9) eta mutualitate publikoak (%16,6).

1. grafikoa: aseguratu kopurua poliza-motaren arabera (1996-2006)

Iturria: Eustat

Aseguratuen kopuruaren hazkundea, asistentzia sanitarioaren adarrean, poliza-mota guztietan gertatu da. Poliza kolektiboek izan dute hazkunderik handiena, 2005. urtearen aldean, %10,9. Banakoak edo familiakoak eta mutualitate publikoek %5,4 eta %2,8ko hazkunde txikiagoak izan dituzte, hurrenez hurren.

Azpimarratzekoa da aseguru kolektiboen goranzko pisua (enpresa batek bere langileentzat zuzenean hitzartuak) asistentzia sanitarioaren aseguratzean. Mota honetako aseguruak %71,4 hazi dira 1999-2006 aldian, %8ko urteko tasa metatuarekin, eta 2006an aseguratuen %35,9 dira (%23,7 1999an).

2. grafikoa: Aseguratuen banaketa, poliza-motaren arabera.1999 eta 2006 urteak (%)

Iturria: Eustat

Aseguratuen gehiengo zabal batek (%96,9) asistentzia sanitario orokorreko (mediko-kirurgikoa) aseguru mediko pribatua aukeratzen du, espezifikoen (hortz-haginen asegurua, esaterako) kaltetan.

Asistentzia sanitarioaren aseguru-sektorean bildutako primen kopuru osoa 2006an 184,8 milioi euro da, gutxi gorabehera estatukoaren %4,4 eta Euskal AEko BPGren %0,3. Lehengo urtearen aldean %8,9 hazi zen primen kopurua, Estatukoen hazkundearen (%9,2) azpitik.

Aseguratuek 1.257.073 kontsulta mediko egin zituzten (2005ean baino %2,9 gehiago), medikuko 3,7 bisitaldi. Hona hemen espezialitate jendetsuenak: traumatologia, tokoginecologia, pediatria eta oftalmologia. Aseguratuen ospitalizazioak 51.117 izan ziren, 3 eguneko batez besteko egonaldiarekin, eta interbentzio kirurgikoak 34.431, gehienak kirurgia orokorrean, oftalmologian, traumatologian eta ginekologian.

1. taula: Asistentzia mediko-farmazeutikoko aseguru libreko entitateen bilakaera

Euskal AEko iturria: Eustat

Estatuko iturria: ICEA( Investigación cooperativa entre entidades aseguradoras y fondo de pensiones)

Ohar metodologikoa: Estatistika honek Euskal AEn establezimenduren bat duten asistentzia mediko farmazeutikoko aseguru libreko entitateen informazioa jasotzen du.