100 urte edo gehiagorekin hildakoak %27,3 ugaritu dira

2008ko lehenengo hiruhilekoan, Euskal AEn 5.376 lagun hil ziren, iazko aldi berean baino %4,3 gehiago, EUSTATen datuen arabera. Lurraldeka, Bizkaian 2.960 pertsona hil ziren, %7,3 gehiago; 1.470 (%+7,3) Gipuzkoan, eta Araban 676, 2007ko lehenengo hiruhilekoan bezalaxe.

5.376 horietatik 2.746 gizonezkoak ziren eta 2.630 emakumezkoak; aurreko urteko hiruhileko berberaren aldean %6,3 eta %2,4 gehiago.

Hildakoen adinaz, ia %80k 70 urte edo gehiago zeuzkan; talderik jendetsuena 80tik 89ra, hildakoen %37,2. 100 urte edo gehiagorekin 56 pertsona hil ziren, 2007ko lehenengo hiruhilekoan baino %27,3 gehiago; horietatik %90 emakumeak.

2008ko lehenengo hiruhilekoan izandako heriotzen artean, 17 heriotza urtebetetik beheragoko haurrei egokitu zitzaien: 7 mutikori eta 10 neskatori.

2008ko lehenengo hiruhilekoko hazkunde begetatiboa negatiboa izan zen, 293 biztanle galdu ziren. Herrialdeka, saldo negatiboak izan ziren Bizkaian eta Gipuzkoan, 327 eta 57 biztanle galdu baitzituzten. Araban, ostera, jaiotzak gehiago izan ziren heriotzak baino (+91).

1 Taula: Euskal AEko heriotzak sexuka, adin-taldearen arabera. Hiruhilekoen alderaketa.

Iturria: EUSTAT