2011-06-02ko prentsa-oharra
2009an industri jarduera euskal eskualde guztietan jaitsi zen
Gutxienik, Arabako Errioxan, Arratia-Nerbioin eta Tolosaldean murriztu zen
Euskal AEko industri jarduera: 2009an, erauzketa eta manufaktura industriek ekoitzitako balio erantsia euskal eskualde guztietan jaitsi zen, Eustaten datuen arabera. Jaitsierak ezberdinak dira han eta hemen.
Araban batez besteko jaitsiera %23,8 izan zen. Handienak, Gorbeia inguruetan (%-34,5) eta Kantauri arabarrean (%-32,4). Gutxienik, Arabako Errioxan (%-11,5) eta Arabako mendialdean (%-11,6).
Bizkaian, batez bestekoa %-21,6. Areago jaitsi ziren Bilbo handia (%-21,9) eta Durangaldea (%-28,3). Lau eskualdetan %15 ingurukoa izan zen jaitsiera: Enkarterriak, Gernika-Bermeo, Markina-Ondarroa eta Plentzia-Mungia. Balio erantsiaren jaitsierarik txikiena Arratia-Nerbioin, %-6,4.
Gipuzkoan batez beste %22,5 jaitsi zen. Horren gainetik Goierri (%-26,2), Urola-Kosta (%-28,5) eta Deba Goiena (%-24,0). %22 inguru Deba Barrena eta Donostia jaitsi ziren. Bidasoa Barrenan %-16,9 eta Tolosaldean %-8,7.
Langile okupatuetan, jaitsierak denetan: %-8,4 Araban, eta %-10,2 Bizkaian eta Gipuzkoan.
Araban lanpostu-galerarik txikiena Mendialdean izan da (%-6,0), baina oso munta txikia du eskualdeak Arabako industrian. Ibarretan %6,9 jaitsi da eta Kantaurin %7,4. Jaitsierarik handiena Gorbeiako inguruetan, %-10,9.
Bizkaian jaitsierarik txikiena Enkarterrietan (%-5,8), baina lurralde osoko industria enpleguaren %2 besterik ez da. Batez bestekoaren azpitik jaitsi dira Plentzia-Murgia (%-6,0), Arratia-Nerbioi (%-8,4) eta Gernika-Bermeo (%-9,5). Bilbo handia batez bestekoan jaitsi zen (%-10,2), eta gainetik Markina-Ondarroa (%-11,2) eta Durangaldea (%-12,1).
Gipuzkoako bost eskualdetan enplegua lurraldeko batez bestekoa baino gutxiago jaitsi da: Goierri eta Tolosaldea (%-7,5); Bidasoa Barrena (%-8,7), Deba Barrena (%-9,5) eta Urola-Kosta (%-10,0). Donostian %11,2 jaitsi da eta Deba Goienean %13,4.
Euskal AEko industria inbertsioa ia eskualde guztietan jaitsi zen 2009an, salbuespenak adierazgarri ez direlarik.
Arabako batez besteko jaitsiera %20,0. Errioxan eta Gorbeia inguruetan %50en gainetik. Bizkaian %25,4koa batez besteko jaitsiera; Durangaldean eta Enkarterrietan %50en gainetik, baina bi eskualde hauen pisua oso ezberdina da.
Gipuzkoan %41,7koa izan zen batez besteko jaitsiera. Donostialdean eta Urola-Kostan %50en gainetik; Deba Goienean, Bidasoa Barrenean eta Deba Barrenean %45 inguru; Goierrin %22,5 eta Tolosaldean %17,6.
Ohar metodologikoa:
Erabilitako sektorizazioa Jarduera Ekonomikoen Sailkapen Nazionala (JESN-2009) da; eskualdeen araberako desagregazioan B (erauzketa) eta C (manufaktura) sekzioak bakarrik daude.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Iosune Azula Lazkano
Tel.:+34-945-01 75 09 Faxa:+34-945-01 75 01
Euskal AEKo industria-estatistikari buruzko prentsa-ohar gehiago
Euskal AEko estatistika-estatistikari buruzko datu-bankua