2011-12-23ko prentsa-oharra
2011ko bigarren hiruhilekoan % 2,3 jaitsi zen heriotza kopurua Euskal AEn
2011ko apirilean, maiatzean eta ekainean 4.449 biztanle hil ziren, horietatik 45ek 100 urte edo gehiago zituzten
Heriotza kopurua Euskal AEn: Eustaten datuen arabera, 2011ko bigarren hiruhilekoan 4.449 pertsona hil ziren Euskal AEn, hau da, aurreko urteko aldi berean baino %2,3 gutxiago. Lurraldez lurralde, Araban 543 pertsona hil ziren, Bizkaian 2.490 eta Gipuzkoan 1.416.
Hildakoak sexuaren arabera banatuz, % 53 gizonezkoak izan ziren eta % 47 emakumezkoak. Oro har 80 urte edo gehiago zituzten hildakoen % 57,2k, baina emakumeen artean % 70,3koa da datu hori, eta gizonen artean % 45,7koa baino ez.
2011ko bigarren hiruhileko honetan, urte bat bete gabe zuten 14 ume hil ziren, 5 mutil eta 9 neska. 100 urte edo gehiago zituzten hildakoen artean 40 emakumezkoak ziren, eta 5 bakarrik gizonezkoak.
Tumoreak izan ziren heriotzen eragile nagusiak: 1.515 pertsona hil ziren horiengatik (% 34,1); bigarren eragileak zirkulazio sistemako gaixotasunak izan ziren: 1.214 pertsona hil ziren horien ondorioz (% 27,3); hirugarren kausa gisa, arnas sistemako gaixotasunek 367 heriotza eragin zituzten hiru hileotan (% 8,2).
Aurreko hiruhilekoetan bezala, sexuaren arabera heriotzaren eragileak ezberdinak izan ziren hiruhileko honetan ere. Gizonen artean tumore baten ondorioz hildakoak zirkulazio sistemako arazoren baten ondorioz hildakoak baino gehiago izan ziren; emakumeen artean, berriz, heriotza gehien eragin zuten gaixotasunak kardiobaskularrak izan ziren, eta bigarren gaixotasunak tumoreak. Arnas sistemako gaixotasunak bi sexuetan izan ziren heriotzaren hirugarren eragileak.
Euskal AEko hazkunde begetatiboa positiboa izan zen 2011ko bigarren hiruhilekoan, 841 biztanle gehiago izan baitziren. Saldo positiboak izan ziren hiru lurraldeotan: Arabak 295 biztanle irabazi zituen, Bizkaiak 226 eta Gipuzkoak 320.
Argibide gehiago:
Euskal Estatistika-Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Martín González Hernández
Tel.:+34-945-01 75 49 Faxa:+34-945-01 75 01
Euskal AEKo HERIOTZEN ESTATISTIKAri buruzko prentsa-ohar gehiago
Euskal AEko heriotzen estatistikari buruzko datu-bankua