2012/05/30eko prentsa-oharra
Osasun-asegurua zuen biztanleria % 1,6 igo zen 2010ean
Osasun-aseguruaren primen bolumena BPGaren gainetik igo zen
Euskal AEn jardunean ari ziren aseguru libreko entitateek (ALE) osasun-aseguruaren barruan aseguratutako 382.677 lagun izan zituzten 2010ean (% +1,6 2009. urtearekin alderatuta), eta kolektibo hori Euskal AEko % 17,5 zen Eustaten datuen arabera. Ingurune ekonomikoa negatiboa zen arren, osasun-aseguruari dagokionez aseguratu kopurua eta prima bolumena igo egin ziren.
Era berean, ALEek primengatiko 267 milioi fakturatu zituzten osasun-zerbitzuak emateari dagokionez, eta horren ondorioz, % 5,3ko igoera izan zen aurreko ekitaldiarekin alderatuta, Euskal AEko BPGak 2010ean izandako % 1,9aren gainetik.
Nolanahi ere, aseguratu kopuruan izandako igoera hori (% 1,6) Estatu osoan izandako igoera baino txikiagoa da (% 4,2). Geografikoki, aseguratutako kolektiboa honela banatu zen: % 71,3 Bizkaian, % 18,1 Gipuzkoan eta % 10,6 Araban.
Biztanleriari dagokionez, Bizkaia izan zen hiru lurraldeen artetik aseguratutako biztanleriaren proportzio handiena izan zuena biztanle bakoitzeko: % 23,5; ondoren, Araba (% 12,7) eta Gipuzkoa (% 9,9) zeuden.
EAEn Estatu osoko guztizko primen % 4,4 zegoen eta Euskal AEko BPGaren % 0,41, hazkunde-tasa (% 5,3) Espainiakoaren gainetik zegoen (% 4,5).
Primen bolumenaren % 73,2 Bizkaian izan zen, % 17,4 Gipuzkoan eta % 9,4 Araban. Gipuzkoa izan zen hazkunde handiena lortu zuen lurraldea (% 6,4), ondoren Bizkaia (% 5,5) eta Araba (% 1,9) zeuden.
Osasun-aseguruaren adarra bereizten da kontzentrazio handia dagoelako. Primen bolumena aintzat hartzen badugu, lehenengo hiru entitateek % 81eko baterako merkatu-kuota lortu zuten 2010ean.
Aseguratu gehienek (% 90) osasun-asistentzia orokorreko estaldura zuen mediku-asegurua –lehen mailako asistentziako eta ospitale-asistentziako zerbitzuak estaltzen zituena– izan zuten kontratatuta; aitzitik, % 7,7k arreta espezifikoko poliza aukeratu zuen (lehen mailako arretakoa, arreta espezializatukoa edo hortzetako asistentziakoa, esaterako).
Ohar metodologikoa: estatistika honetan EAEn establezimenduren bat duten asistentzia mediko-farmazeutikoko aseguru libreko entitateei buruzko informazioa biltzen da.
2008ko datuei buruzko datuak aztertu dira, eta horren ondorioz, eguneratu egin dira.
Informazio gehiago nahi izanez gero:
Euskal Estatistika-Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Tel.:+34-945-01 75 00 Faxa: +34-945-01 75 01 Helb. elek.: eustat@eustat.es
Harremanetarako pertsona: Marta de la Torre Fernández
Tel.:+34-945-01 75 34 Faxa:+34-945-01 75 01
Asistentzia mediko-farmazeutikoko aseguru libreko entitateei buruzko prentsa-ohar gehiago
Asistentzia mediko-farmazeutikoko aseguru libreko entitateei buruzko datu-bankua