HomeGaiakHeriotzakPrentsa Oharrak Euskal AEko heriotzak...

2012/06/29ko prentsa-oharra

EUSKAL AEko HERIOTZEN ESTATISTIKA (HERE) 2011-4. HIRUH.

Euskal AEko heriotzak %2,7 urritu ziren 2011ko laugarren hiruhilekoan

2011an ehun urtetik gorako 184 pertsona hil ziren, 21 gizon eta 163 emakume

2011ko laugarren hiruhilekoko heriotza kopurua Euskal AEn: 4.944 pertsona, 2010eko laugarrenean baino %2,7 gutxiago, Eustaten datuen arabera. Araban 611 lagun hil ziren, Bizkaian 2.781, eta Gipuzkoan 1.552.

Heriotzen behin-behineko datuen arabera, 2011an 19.103 lagun hil ziren, 9.850 gizonezko eta 9.253 emakumezko.

2011ko heriotzetatik %31,7 (6.057) tumoreek eragin zituzten. Jarraian zirkulazio sistemaren gaixotasunak datoz, %28,3 (5.400 hildako); eta hirugarrenik, urrunago, arnas aparatuko gaixotasunek heriotzen %8,8 eragin zituzten (1.675).

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino, ehuneko 12 puntuz; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren.

Ehun urtetik gorako pertsonen heriotzak, Euskal AEn, 1996tik 2011ra

2011an gertatutako heriotzen artean, 49 urtebetetik beheragoko haurrenak izan ziren: 14 mutiko eta 35 neskato. Ehun urtetik gora hildako 184 pertsonen artean, 163 emakumezkoak ziren, 21 gizonezkoak. Bizitza nabarmen luzatu da, bereziki emakumeen artean: 1996an ehun urtetik gora hildako emakumeak 50 besterik ez ziren izan.

Hazkunde begetatiboa positiboa da hiru lurraldeetan

2011ko behin-behineko datuekin, jaiotzak 1.908 gehiago izan dira heriotzak baino; Euskal AEko hazkunde begetatiboak joera positiboa du nabarmen. Hazkundea begi bistakoagoa da Araban (974 pertsona) eta Gipuzkoan (882); Bizkaian 52.

1. taula: Heriotzak Euskal AEn, sexuaren eta heriotza-kausaren arabera Hiruhilekoen alderaketa
Iturria: EUSTAT. Euskal AEko heriotzen estatistika