HomeGaiakIndustria-prezioen indizea (IPRI)Prentsa Oharrak Industri prezioak %0,8...

2012/11/22ko prentsa-oharra

EUSKAL AEko INDUSTRIA PREZIOEN INDIZEA (IPRI). 2012ko urria

Industri prezioak %0,8 jaitsi ziren 2012ko urrian aurreko hilaren aldean

Aurreko urtearen aldean (2012ko urria 2011koaren aldean) %1,2 igo ziren

Euskal AEko industria prezioen indizea: Eustatek landutako datuen arabera, Euskal AEko industri prezioak %0,8 jaitsi ziren 2012ko urrian aurreko hilaren aldean. Datu horiek kontuan hartuta, urriko urte arteko tasan (azken hamabi hilabeteetan industri prezioek izandako aldakuntza laburbiltzen duena) %1,2ko hazkundea dago.

Sektorekako azterketa xeheagoak agerian uzten du, 2012ko urrian, “Kautxu eta plastikoa” (%0,5), eta “Material elektrikoaren fabrikazioa” (%0,1) adarrek gehitu zituztela gehien prezioak, aurreko hilaren aldean. Beste sektore guztiek jaitsierak izan dituzte prezioetan, batez ere ondokoek: “Energia elektrikoa, gasa eta lurruna” (%-3,9), “Kokeriak eta petrolio fintzea” (%-2,3), “Elikadura industria” (%-1,0) eta “Erauzketa industriak” (%-0,8).

Urte arteko aldian, hots, 2012ko urrian, 2011koaren aldean , prezio-hazkunderik handienak honako adarrek izan dituzte: “Kokeriak eta petrolio-fintzea” (%8,9), “Energia elektrikoa, gasa eta lurruna” (%6,2), “Produktu informatiko eta elektronikoen fabrikazioa” (%5,1). Jaitsierarik handienak: “Garraio materialaren fabrikazioa” (%-3,2), “Metalurgia eta produktu metalikoak” (%-1,9), “Erauzketa industriak (%-1,1).

Ondasunen helburu ekonomikoaren araberako sailkapenari jarraituz, urrian, sektore-talde handien prezioen bilakaerak desberdinak izan ziren: Energiaren prezioak %3,0 jaitsi ziren, Bitarteko ondasunak eta Ekipo-ondasunak %0,2; Kontsumo-ondasunetan aldaketarik ez, izan ere Ondasun ez-iraunkorrekoetan %0,1eko jaitsiera dago eta Iraunkorrekoetan aldaketarik ez.

Ondasun-talde horietako prezioen bilakaerek aldeak agertu zituzten urte arteko aldian. Energiaren prezioak %7,7 igo ziren, Ekipo-Ondasunenak %0,1; Bitarteko ondasunenak %0,6 jaitsi. Kontsumo-ondasunen prezioak %0,6 jaitsi ziren: Kontsumo-ondasun iraunkorren prezioak %0,3 igo, eta Kontsumo-ondasun ez-iraunkorrenak %1,0 jaitsi.