2013/02/08ko prentsa-oharra
Euskal AEko BPG hiruhileko arteko %0,5 murriztu da 2012ko laugarren hiruhilekoan
Urte osoan BPG %1,2 murriztu da
Euskal AEko Barne Produktu Gordinak (BPG) %0,5eko murrizketa izan du 2012ko laugarren hiruhilekoan aurrekoaren aldean, urtaro- eta egutegi-eraginak deskontaturik, Eustaten aurrerapen-datuen arabera. Hiruhilekoen arteko negatiboa bosgarren aldiz jarraian da, eta hirugarren hiruhilekokoa bezainbestekoa. Espainiako ekonomiaren hiruhilekoen arteko aldakuntza, Estatistikako Institutu Nazionalak aurreratutako datuen arabera, %-0,7 izan da.
Aurreko urteko hiruhileko beraren aldean, %1,7koa da murrizketa, hirugarren hiruhilekoan baino bi hamarren gehiago. Espainiako ekonomiarako, %-1,8.
Eskaintzaren ikuspuntutik, sektore guztiek dute urte arteko negatiboa, lehen sektoreak izan ezik. Zerbitzuen sektorea positiboan zegoen urteko erdialdera arte; orain, bigarren hiruhilekoz jarraian, tasa negatiboak ditu bai urte artean, bai hiruhileko artean.
Enpleguak, dedikazio osoko baliokidetzako lanpostu gisa neurturik, behera egin du areago, bai aurreko urteko hiruhileko beraren aldean (%-3,1), bai aurreko hiruhilekoaren aldean (%-1,0).
2012. urterako BPGren aldakuntza %1,2ko beherakada dela zenbatetsi da.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elek.: eustat@eustat.eus
Harremanetarako pertsona: Javier Aramburu
Tel.:+34-945-01 75 80 Faxa:+34-945-01 75 01
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua