HomeGaiakIndustria-prezioen indizea (IPRI)Prentsa Oharrak Euskal AEko industri...

2013/01/24ko prentsa-oharra

EUSKAL AEko INDUSTRIA PREZIOEN INDIZEA (IPRI). 2012ko abendua

Euskal AEko industri prezioak %0,8 jaitsi ziren 2012ko abenduan aurreko hilaren aldean

Aurreko urtearen aldean, %0,3 igo

Euskal AEko industria prezioen indizea: EUSTATek landutako datuen arabera, 2012ko abenduan %0,8 jaitsi zen aurreko hilaren aldean. Datu horiek kontuan hartuta, abenduko urte arteko tasa (azken hamabi hilabeteetan industriako prezioek izandako aldakuntza) %0,3ko hazkundea da

Sektorekako azterketa xeheagoak agerian uzten du, 2012ko abenduan, “Elikagintza, edariak eta tabakoa” (%0,3) eta “Altzariak eta beste manufaktura-industriak” (%0,2) adarrek, besteak beste, gehitu zituztela gehien prezioak, aurreko hilaren aldean. Bestalde, prezioetan jaitsierak izan zituzten sektoreak honakoak izan ziren: “Kokeriak eta petrolioa fintzea” (% -3,1),”Energia elektrikoa, gasa eta lurruna” (%-1,8), “Zurgintza, papera eta arte grafikoak” (%-1,5).

Urte arteko aldian, hots, 2012ko abenduan, 2011koaren aldean , prezio-hazkunderik handienak honako adarrek izan dituzte: “Produktu elektronikoen fabrikazioa” (%5,8), “Energia elektrikoa, gasa eta lurruna” (%3,8), “Produktu farmazeutikoen fabrikazioa” (%2,7). Bestalde, prezioetan jaitsierak izan zituzten sektoreak honakoak izan ziren: “Erauzketa industriak” (%-4,8), “Garraio materialaren fabrikazioa“ (%-3,1), “Zurgintza, papera eta arte grafikoak” (%-1,9).

Ondasunen helburu ekonomikoaren araberako sailkapenari jarraituz, aurreko hilaren aldean, Energiaren prezioak %2,6 jaitsi ziren eta %0,6 Bitarteko ondasunenak; Ekipo-ondasunarenak egonkor. Kontsumoko ondasunarenak %0,2 igo, hauen barruan Kontsumo-ondasun ez-iraunkorrenak %0,2 eta iraunkorrenak %0,0.

Ondasun-talde horietako prezioen bilakaerek aldeak agertu zituzten urte arteko aldian. Energiaren prezioak %1,5 garestitu ziren; Ekipo-Ondasunenak %0,2, Bitarteko Ondasunenak %0,1 jaitsi eta Kontsumo-Ondasunenak %0,3 jaitsi. Azken horien barruan, Kontsumo-ondasun iraunkorren prezioak %0,1 igo ziren, eta Kontsumo-ondasun ez-iraunkorrenak %0,4 jaitsi.