2013/03/21eko prentsa-oharra
Heriotzak %4,6 urritu ziren 2013ko hirugarren hiruhilekoan Euskal AEn
Hildakoen %20k 90 urte pasa zituen, 4tik 3 emakumeak
2012ko hirugarren hiruhilekoan, heriotza kopurua Euskal AEn 4.213 lagun hil ziren, iazko aldi berean baino %4,6 gutxiago, Eustaten datuen arabera. 2.066 emakume (%49) eta 2.147 gizon (%50,1) hil ziren. Araban 503 lagun hil ziren, Bizkaian 2.307, eta Gipuzkoan 1.403.
Hildakoen %22k 70 urte baino gutxiago zeuzkan; %20k 70-80 urte bitarte eta %38k 80-90 urte bitarte. Gainerako %20 90 urte baino gehiagoko 841 hildakoek osatzen dute; 4tik 3, emakumeak.
Heriotzen kausa nagusia tumoreak izan ziren: 1.470 lagun hil ziren horiengatik (%34,9); bigarren heriotza-kausa zirkulazio-aparatuko gaixotasunak izan ziren, 1.106 eragin zituzten (%26,3). Hirugarren, arnas eritasunak, 318 heriotza hiru hileotan (%7,5).
Gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren. Arnas aparatuko gaixotasunak hirugarren heriotza-kausa dira, oraindik ere, sexu bietan.
2012ko hirugarren hiruhilekoan hildakoen arteko 22, urtebetetik beheragoko haurrak izan ziren: 11 mutiko eta 11 neskato.
2012ko hirugarren hiruhilekoko hazkunde begetatiboa positiboa izan zen, 958 lagun gehiago. Saldo positiboak izan ziren hiru lurraldeetan: Bizkaiak 345 biztanle irabazi zituen, Arabak 308 eta Gipuzkoak 305 .
Informazio gehiago:
Euskal Estatistika-Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Martín González Hernández
Tel.:+34-945-01 75 49 Faxa:+34-945-01 75 01
Euskal AEKo HERIOTZEN ESTATISTIKAri buruzko prentsa-ohar gehiago
Euskal AEko heriotzen estatistikari buruzko datu-bankua