HomeGaiakHeriotzakPrentsa Oharrak Heriotzak %4 gutxitu...

2013-06-07ko prentsa-oharra

EUSKAL AEko HERIOTZEN ESTATISTIKA (HERE) 2012ko 4. hiruhilekoa

Heriotzak %4 gutxitu ziren 2012ko laugarren hiruhilekoan

2012an ehun urtetik gorako 207 pertsona hil ziren, 40 gizon eta 167 emakume

2012ko laugarren hiruhilekoan Euskal AEn 4.856 pertsona hil ziren, 2011ko aldi berean baino %4 gutxiago, Eustaten datuen arabera. Araban 615 lagun hil ziren, Bizkaian 2.694, eta Gipuzkoan 1.547.

Behin-behineko datuen arabera, 2012an 19.721 lagun hil ziren, 10.034 gizonezko eta 9.687 emakumezko. 2011ren aldean, %3,2ko hazkundea.

Iazko heriotzen artean, 63 urtebetetik beheragoko haurrenak izan ziren: 30 mutiko eta 33 neskato. Ehun urtetik gora hildako 207 pertsonen artean, 167 emakumezkoak ziren, 40 gizonezkoak. Bizitza nabarmen luzatu da, bereziki emakumeen artean: 1996an ehun urtetik gora hildako emakumeak 50 besterik ez ziren izan.

Tumoreek ekarri zituzten heriotzarik gehien

2011ko heriotzen %30,5 (6.006) tumoreek eragin zituzten. Jarraian zirkulazio sistemaren gaixotasunak datoz, %28 (5.525); hirugarren, urrunago, arnas aparatuko gaixotasunek heriotzen %9,4 eragin zituzten (1.846).

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino, ehuneko 12,5 puntuz; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren.

Hazkunde begetatiboa positiboa da Araban eta Gipuzkoan, negatiboa Bizkaian

2012ko behin-behineko datuekin, jaiotzak 690 gehiago izan dira heriotzak baino. Bizkaian bakarrik izan zen negatiboa saldoa; 603 heriotza gehiago jaiotzak baino. Araban +825 izan zen saldoa eta Gipuzkoan +468.

Heriotzak Euskal AEn, sexuaren eta heriotza-kausaren arabera Hiruhilekoen alderaketa