HomeGaiakOsasun baliabideak eta jardueraPrentsa Oharrak Euskal AEko osasuneko...

Prentsa-oharra 2013/07/23

ASISTENTZIA MEDIKO-FARMAZEUTIKOKO ASEGURU LIBREKO ENTITATEEN ESTATISTIKA (ALE) 2011. URTEA

Euskal AEko osasuneko aseguru-entitateek primak handitu zituzten 2011n, baina ez aseguratuak

Osasun-aseguruaren primak aurreko urteetan baino gutxiago handitu ziren

Euskal AEn osasun-aseguruak kudeatzen dituzten entitateek aseguratutako primen bolumena % 3,8 handitu zen 2011n, baina aseguratutako pertsonen kopurua bere horretan mantendu zen ia (-% 0,02), Eustateko datuen arabera. Zehazki, entitate horiek 382.610 pertsona aseguratu zituzten 2011n osasun-aseguruaren barruan.

Egoera ekonomiko txarrean % 0,8 murriztu dira osasun-polizen kontratuak, eta aurreko urtekoarekin alderatuta ia ez du aldaketarik izan osasun-alorreko aseguratuen kopuruak; aurreko urteetan, ordea, hazkunde apala izan du kolektiboak (% 0,8 2009an eta % 1,6 2010ean).

Osasun-zerbitzuen prestazio-primen bolumena % 3,8 handitu zen 2011n (277,7 milioi euro); halere, hazkunde hori aurreko urteetakoa baino txikiagoa izan da (% 6,7 2009an eta % 5,3 2010ean).

1. taula: Asistentzia mediko-farmazeutikoko aseguru libreko entitateen bilakaera
Iturria: Euskal AEkoa: Osasun Saila eta EUSTAT. Asistentzia mediko-farmazeutikoko aseguru libreko entitateen estatistika (ALE)

BPGri dagokionez, Euskal AEko osasun-aseguruko erakundeak Euskal AEko BPGren % 0,42 izan ziren 2011n (2010ean baino ehunen bat gehiago). Aseguratu bakoitzeko batez besteko prima 725,8 eurokoa izan zen orduan, eta 699,3 eurokoa 2010ean.

Osasun-aseguruaren arloak kontzentrazio handia du. Primen zenbatekoagatiko lehen lau erakundeek % 85,7ko merkatu-kuota izan zuten 2011n.

Aseguratu gehienek (% 89) osasun-asistentzia orokorreko estalduradun aseguru medikoa izan zuten kontrataturik (lehen mailako eta ospitaleko zerbitzuak estalita), eta % 10ek hortz-aseguru bat.

Metodologiaren inguruko oharra: Euskal AEn establezimenduren bat duten asistentzia mediko-farmazeutikoko aseguru libreko erakundeen informazioa biltzen du estatistika honek.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Asistentzia mediko-farmazeutikoko aseguru libreko entitateei buruzko prentsa-ohar gehiago Asistentzia mediko-farmazeutikoko aseguru libreko entitateei buruzko datu-bankua