HomeGaiakHeriotzakPrentsa Oharrak Heriotzak %15 gutxitu...

2013-09-30ko prentsa-oharra

EUSKAL AEko HERIOTZEN ESTATISTIKA (HERE) 2013ko 1. hiruhilekoa

Heriotzak %15 gutxitu ziren 2013ko lehen hiruhilekoan

Emakume artean %17 gutxitu ziren eta gizon artean %13

2013ko lehen hiruhilekoan, Euskal AEn 5.028 lagun hil ziren, aurreko urteko aldi berean baino %15 gutxiago, Eustaten datuen arabera. Araban 625 lagun hil ziren (%-12,7), Bizkaian 2.694 (%-18,8), Gipuzkoan 1.709 (%-9,1). 2.552 gizon (%-13,2) eta 2.476 emakume (%-16,7) hil ziren.

Heriotza-eragile nagusiak: tumoreak (1.440 pertsona) eta zirkulazio-sistemaren gaixotasunak (1.431); bion artean heriotzen %57,1.

Hirugarren, arnas aparatuko gaixotasunak (569 pertsona, %11,3) eta digestio sistemarenak (216, %4,3).

Arnas aparatuko gaixotasunek eragindako heriotzak %14,7 gutxitu ziren

Normalean, urteko lehenengo hiruhilekoan izaten da heriotzarik gehien eta arnas aparatuko gaixotasunak izaten dira batez ere ugaritzen direnak. 2013ko lehen hiruhileko honetan, 569 heriotza eragin zituzten, aurreko urteko hiruhileko berean (667) baino %14,7 gutxiago eta aurreko hiruhilekoan (460) baino %23,7 gehiago.

Gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren. Arnas aparatuko gaixotasunak hirugarren heriotza-kausa dira, oraindik ere, sexu bietan.

Lehenengo hiruhilekoan izandako heriotzen artean, 9 urtebetetik beheragoko haurrak izan ziren: 4 neskato eta 5 mutiko.

2013ko lehenengo hiruhilekoan hazkunde begetatiboa negatiboa izan zen, 498 biztanle galdu ziren. Arabak biztanleak irabazi ditu, 115. Bizkaiak (359) eta Gipuzkoak (254) galdu.

Heriotzak Euskal AEn, sexuaren eta heriotza-kausaren arabera Hiruhilekoen alderaketa. Iturria: EUSTAT. Euskal AEko heriotzen estatistika