HomeGaiakIndustria-prezioen indizea (IPRI)Prentsa Oharrak 2013ko abenduan Euskal...

2014/01/23ko prentsa-oharra

EUSKAL AEko INDUSTRIA PREZIOEN INDIZEA (IPRI). 2013ko abendua

2013ko abenduan Euskal AEko industria-prezioek %0,7 egin dute gora aurreko hilaren aldean

Aurreko urtearen aldean (2013ko abendua 2012koaren aldean) %0,6 gehitu ziren

Euskal AEko industri prezioak: Eustatek landutako datuen arabera, Euskal AEko industri prezioen indizea %0,7 gehitu zen 2013ko abenduan aurreko hilaren aldean. Datu horiek kontuan hartuta, abenduko urte arteko tasa (azken hamabi hilabeteetan industriako prezioek izandako aldakuntza) %0,6 gehitu da.

Sektorekako azterketa xeheagoak agerian uzten du, 2013ko abenduan, Energia elektrikoa, gasa eta lurruna (%3,8), Altzariak eta beste manufaktura-industriak (%0,8) eta Elikadura industria, edariak eta tabakoa (%0,8) adarrek, besteak beste, gehitu zituztela gehien prezioak, aurreko hilaren aldean. Jaitsierarik handienak: Ehungintza, jantzigintza, larrugintza eta zapatagintza (%-0,3), Erauzketa industriak (%-0,2) eta Produktu farmazeutikoen fabrikazioa (%-0,2).

Urte artean, 2013ko abendua 2012koaren aldean, prezio-hazkunderik handienak: Energia elektrikoa, gasa eta lurruna (%6,0), Kautxu eta plastikoa (%5,3), Makineria eta ekipoaren fabrikazioa (%2,1). Prezio-jaitsierak: Metalurgia eta metalezko produktuak (%-2,7), Material eta ekipo elektrikoaren fabrikazioa (%-2,0), Elikadura industria, edariak eta tabakoa (%-1,7).

Xede ekonomikoaren araberako ondasunen sailkapenari jarraituz, sektore garrantzitsuenen prezioek abenduan izan duten bilakaerak gorako joera izan du guztietan, salbu eta Ekipo-ondasunetan, non ez dagoen aldaketarik (%0,0). Energiaren prezioa %2,4 gehitu da, Bitarteko-ondasunena %0,2. Kontsumoko ondasunak %0,5 gehitu dira, Kontsumo iraunkorreko ondasunengatik (%0,1), eta ez-iraunkorrekoengatik (%0,6).

Ondasun-talde handi hauen prezioen aldakuntzak urte artean ezberdinak izan dira. Energia %3,4 gehitu zen, Ekipo-ondasunak %0,7; Bitarteko Ondasunak %0,9 gutxitu, Kontsumo-Ondasunak %0,5. Azken horien barruan, Kontsumo-ondasun ez-iraunkorren prezioak %0,7 jaitsi ziren, eta Kontsumo-ondasun iraunkorrenak %0,1 gehitu.

Euskal AEko Industriako Prezioen Indizea. Aldakuntza-tasak. 2013ko abendua (p)
Iturria: Eustat. Auskal AEko industria prezioen indizea (IPRI)