HomeGaiakIndustria-prezioen indizea (IPRI)Prentsa Oharrak 2014ko ekainean industriako...

2014/07/24ko prentsa-oharra

EUSKAL AEko INDUSTRIA PREZIOEN INDIZEA (IPRI), 2014ko ekaina

2014ko ekainean industriako prezioek %0,9 egin dute gora aurreko hilaren aldean

Aurreko urtearen aldean (2014ko ekaina 2013koaren aldean) %0,2 gehitu ziren

Eustatek landutako datuen arabera, Euskal AEko industri prezioak %0,9 gehitu ziren 2014ko ekainean aurreko hilaren aldean. Datu horiek kontuan hartuta, ekaineko urte arteko tasa (azken hamabi hilabeteetan industri prezioek izandako aldakuntza laburbiltzen duena) %0,2 gehitu da.

Sektorekako azterketa xeheagoak agerian uzten du, 2014ko ekainean, “Energia elektrikoa, gasa eta lurruna” (%4,0) “Kokeria eta petrolioa fintzea” (%1,9), eta Metalurgia eta metalezko produktuak (%0,5) adarrek gehitu zituztela gehien prezioak, aurreko hilaren aldean. Jaitsierarik handienak: Erauzketa industriak (%-0,8), Produktu informatiko, elektroniko eta optikoen fabrikazioa (%-0,4), Elikagaien industria, edariak eta tabakoa (%-0,4).

Urte artean, 2014ko ekaina 2013koaren aldean, hazkunderik handienak: Energia elektrikoa, gasa eta lurruna (%4,1), Zurgintza, papera eta arte grafikoak (%1,4). Jaitsierak: Erauzketa industriak (%-2,1), Material eta ekipo elektrikoaren fabrikazioa (%-1,2), Industria kimikoa (%-1,1).

Ondasunen helburu ekonomikoaren araberako sailkapenari jarraituz, ekainean, aurreko hilaren aldean, sektore-talde handien prezioen bilakaerak desberdinak izan ziren: Energiaren prezioak %3,2 gehitu dira, Bitarteko ondasunenak %0,3. Ekipo-ondasunak %0,1 jaitsi dira, Kontsumo-ondasunak %0,2. Azken hauen barruan, Kontsumo-ondasun ez-iraunkorrak %-0,3 eta Kontsumo-ondasun iraunkorrak %+0,1.

Urte artean, ondasun-talde handi hauen prezio-aldakuntzek zeinu positiboa Energian (%2,0) bakarrik izan dute. Bitarteko ondasunak %-0,6, Ekipo-ondasunak %-0,6. Kontsumo-ondasunak %0,0. Azken horien barruan, Kontsumo-ondasun iraunkorren prezioak %-1,3, Kontsumo-ondasun ez-iraunkorrenak %+0,4.

Euskal AEko Industriako Prezioen Indizea. Aldakuntza-tasak(p). 2014ko ekaina
Iturria: Eustat. Euskal AEko industria prezioen indizea (IPRI)