HomeGaiakHeriotzakPrentsa Oharrak Heriotzak %7,3 gehitu...

2014/09/23ko prentsa-oharra

EUSKAL AEko HERIOTZEN ESTATISTIKA (HERE) I/2014

Heriotzak %7,3 gehitu ziren 2014ko lehen hiruhilekoan

Bizkaian %12,9 gehitu ziren, Gipuzkoan %0,3 besterik ez

2014ko lehen hiruhilekoan, Euskal AEn 5.450 lagun hil ziren, aurreko urteko aldi berean baino %7,3 gehiago, Eustaten datuen arabera. Araban 703 lagun hil ziren, %+2,9 gehiago; Bizkaian 3.053, %+12,9; Gipuzkoan 1.751, %+0,3. 2.757 gizon (%+6,7), 2.693 emakume (%+7,9) hil ziren.

Heriotza-eragile nagusiak: tumoreak (1.567 pertsona); zirkulazio-sistemaren gaixotasunak (1.556); bion artean heriotzen %57,3.

Hirugarren, arnas aparatuko gaixotasunak (611 pertsona, %11,2); ondoren, digestio sistemarenak (241, %4,4).

Arnas aparatuko gaixotasunek eragindako heriotzak %4,6 gehitu ziren

Normalean, urteko lehenengo hiruhilekoan izaten da heriotzarik gehien eta arnas aparatuko gaixotasunak izaten dira batez ere ugaritzen direnak. 2014ko lehen hiruhilekoan, 611 heriotza ekarri zituzten, aurreko urteko hiruhileko berean (584) baino %4,6 gehiago eta 2013ko laugarren hiruhilekoan (477) baino %28,1 gehiago.

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, kontrako ordena: Heriotzen kausa nagusia zirkulazio-aparatuko gaixotasunak izan ziren eta ondoren, tumoreak. Arnas aparatuko gaixotasunak hirugarren heriotza-kausa dira, oraindik ere, sexu bietan.

Lehenengo hiruhilekoan izandako heriotzen artean, 11 urtebetetik beheragoko haurrak izan ziren: 7 neskato eta 4 mutiko.

2014ko lehen hiruhilekoan hazkunde begetatiboa negatiboa izan zen, 742 biztanle galdu ziren. Arabak biztanleak irabazi ditu, 157. Bizkaiak (690) eta Gipuzkoak (209) galdu.