HomeGaiake-AdministrazioaPrentsa Oharrak Internet duten enpresen...

2014/10/24ko prentsa-oharra

INFORMAZIO GIZARTEAREN INKESTA (IGI). Administrazioa 2014

Internet duten enpresen %67,2ke-Administrazioaren zerbitzuak darabiltzate

Euskal enpresek Internet erabiltzen dute nagusiki Foru-aldundiekin; ondoren Administrazio Zentralarekin eta Eusko Jaurlaritzarekin

Internet duten euskal enpresen %67,2k haren bidez burutzen du izapide edo zerbitzuren bat Herri Administrazioarekin 2014an, Eustaten datuen arabera. Ehuneko hori %92,1era iristen da 10 langile edo gehiagoko enpresetan.

Euskal AEko enpresen %81,2 Internet du; Administrazioarekin horren bidez erlazionatzen direnak %54,5 lirateke. 10 langile edo gehiagokoetan, Internet %97,5ek du, eta Administrazioarekin %89,8 darabil.

Azken urteetan gora egin du Administrazioarekin Internetez aritzen diren enpresa-kopuruak. 2001ean Internet zutenen %22,5 ziren; 2014an %67,2. 10 langile edo gehiagokoetan: 2001ean %43,9; 2014an %92,1.

1 grafikoa: Internet eduki eta haren bidez administrazio publikoarekin izapideak egiten dituzten enpresen bilakaera. 2001-2014 (%)
Iturria: Eustat. Informazio gizartearen inkesta (IGI). Administrazioa

Enpresek Administrazioarekin eginiko izapide elektronikoak: informazioa lortzea (Internet dutenen %54,6); inprimakiak lortzea (%52,4); Balio Erantsiaren zerga (BEZ) adieraztea (%42,7); betetako inprimakiak itzultzea (%38,5); sozietateen zerga adieraztea (%36,4). 10 langile edo gehiagoko enpresetan ehunekoak altuagoak dira.

1. taula: Internet baduten establezimenduak, administrazio publikoekiko izapidetze elektroniko motaren arabera. 2014 (%)
Iturria: Eustat. Informazio gizartearen inkesta (IGI). Administrazioa

Izapideok gehien bat, Foru-aldundiekin (%55,6) eta Administrazio Zentralarekin (%48,8). Ondoren, Eusko Jaurlaritzarekin (%44,6), Tokiko entitateekin (%27,4), Europar Batasuna eta besterekin (%6,1).

10 langile edo gehiagoko enpresetan ehunekoak altuagoak dira, berriz ere. Foru-aldundiekin (%80,9), Eusko Jaurlaritzarekin (%73,4), Administrazio Zentralarekin (%72,3), Tokiko entitateekin (%45,1), Europar Batasuna eta besterekin (%17,2)

Erkidegoetako administrazioetan, izapide nagusiak informazioa biltzea eta inprimakiak lortzea dira; Administrazio Zentralean, langileen gizarte-kotizazioak adieraztea.

2 grafikoa: Internet eduki eta haren bidez administrazio publikoekin izapideak egiten dituzten euskal enpresak. 2014 (%)
Iturria: Eustat. Informazio gizartearen inkesta (IGI). Administrazioa