2015/09/25eko prentsa-oharra
Heriotzak %16 gehitu ziren 2015eko lehen hiruhilekoan
%22,3 gehitu ziren Araban, %15,8 Gipuzkoan, %14,8 Bizkaian
2015eko lehen hiruhilekoan, Euskal AEn 6.345 lagun hil ziren, aurreko urteko aldi berean baino %16 gehiago, Eustaten datuen arabera. Araban 790 lagun hil ziren, Bizkaian 3.506, Gipuzkoan 2.049. 3.100 gizon (%+11,9), 2.502 emakume (%+20,2) hil ziren.
Heriotza-eragile nagusiak: tumoreak (1.657 pertsona); zirkulazio-sistemaren gaixotasunak (1.687); bion artean heriotzen %52,7. Hirugarren, arnas aparatuko gaixotasunak, 855 heriotza (%13,5).
Arnas aparatuko gaixotasunengatik hildakoak %40,4 gehitu ziren
Normalean, neguan izaten dira heriotzarik gehien eta arnas aparatuko gaixotasunak batez ere ugaritzen direnak. 2015eko lehen hiruhilekoan, 855 heriotza ekarri zituzten, aurreko urteko hiruhileko berean (609) baino %40,4 gehiago eta 2014ko laugarren hiruhilekoan (439) baino ia bi aldiz gehiago.
Nerbio sistemaren gaixotasunengatik (Alzheimer eta Parkinson haietakoak dira) 465 pertsona hil ziren urtarril, otsail eta martxoan, aurreko urteko hiruhileko berean baino %41 gehiago.
Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, kontrako ordena: Heriotzen kausa nagusia zirkulazio-aparatuko gaixotasunak izan ziren eta ondoren, tumoreak. Arnas aparatuko gaixotasunak hirugarren heriotza-kausa dira, oraindik ere, sexu bietan. Nerbio-sistemaren gaixotasunengatik hildako emakumeak %58 gehiago izan ziren talde bereko gizonak baino.
Lehen hiruhilekoan hildakoen artean, 14 urtebetetik beheragoko haurrak izan ziren: 9 neskato eta 5 mutiko.
2015eko lehen hiruhilekoan 1.755 biztanle galdu ziren Euskal AEn, hiru lurraldeetan jaitsi da biztanle-kopurua: Bizkaian 1.259 pertsona; Gipuzkoan 467; Araban 29.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.es Tel.: 945 01 75 62
Euskal AEKo heriotzen estatistikari buruzko prentsa-ohar gehiago
Euskal AEko heriotzen estatistikari buruzko datu-bankua