HomeGaiakIndustria-prezioen indizea (IPRI)Prentsa Oharrak Euskal AEko industri...

2015/10/20ko prentsa-oharra

INDUSTRIA-PREZIOEN INDIZEA. 2015eko iraila

Euskal AEko industri prezioak %0,9 jaitsi ziren 2015eko irailean aurreko hilaren aldean

Aurreko urtearen aldean (2015eko iraila 2014koaren aldean) %3,6 jaitsi ziren

Eustaten datuen arabera, Euskal AEko industri prezioen indizea %0,9 jaitsi zen 2015eko irailean aurreko hilaren aldean. Datu horiek kontuan, iraileko urte arteko tasa (azken hamabi hilabeteetan industri prezioek izandako aldakuntza jasotzen duena) %3,6 jaitsi zen.

Sektorekako azterketa xeheagoak erakusten du 2015eko irailean, Industria kimikoa (%0,6) eta Zurgintza, papergintza eta arte grafikoak (%0,5) adarrek gehitu zituztela gehien prezioak, aurreko hilaren aldean. Jaitsierarik handienak: Kokeria eta petrolioa fintzea (%-2,7), Energia elektrikoa, gasa eta lurruna (%-1,6).

Urte artean, 2015eko irailean, 2014koaren aldean, prezio-hazkunderik handienak: Energia elektrikoa, gasa eta lurruna (%2,2), Garraio materialaren fabrikazioa (%1,3). Jaitsierak: Kokeria eta petrolio fintzea (%-27,8), Metalurgia eta metalezko produktuak (-1,9).

Ondasunen helburu ekonomikoaren araberako sailkapenari jarraituz, irailean, aurreko hilaren aldean, sektore-talde handien prezioen bilakaera negatiboak ditugu denetan. Energiaren prezioetan %-2,3; Bitarteko ondasunetan %-0,8, Ekipo-ondasunetan %-0,1. Kontsumo-ondasunetan, %-0,3 guztira. Ez-iraunkorretan %-0,4; iraunkorretan %+0,1.

Ondasun-talde handi horietako prezioen aldakuntzak negatiboak dira urte artean, Ekipo ondasunetan izan ezik, non %0,1 gehitu diren. Energia %-15,2; Bitarteko ondasunak %-1,4; Kontsumo-ondasunak %-0,5. Azken horien barruan, Kontsumo-ondasun ez-iraunkorren prezioak %-0,7; iraunkorrenak %+0,1.