HomeGaiakIndustria-prezioen indizea (IPRI)Prentsa Oharrak Euskal AEko industri...

2015/12/21eko prentsa-oharra

INDUSTRIA-PREZIOEN INDIZEA. 2015eko azaroa

Euskal AEko industri prezioak %0,3 jaitsi ziren 2015eko azaroan aurreko hilaren aldean

Aurreko urtearen aldean (2015eko azaroa 2014koaren aldean) %3,2 jaitsi

Eustaten datuen arabera, Euskal AEko industri prezioen indizea %0,3 jaitsi zen 2015eko azaroan aurreko hilaren aldean. Datu horien arabera, azaroko urte arteko tasa (azken hamabi hilabeteetan industri prezioek izandako aldakuntza laburbiltzen duena) %3,2 jaitsi zen.

Sektorekako azterketa xeheagoak agerian jartzen du, 2015eko azaroan, Erauzketa industriak (%0,8), eta Produktu farmazeutikoen fabrikazioa (%0,5) adarrek gehitu zituztela gehien prezioak, aurreko hilaren aldean. Jaitsierarik handienak: Kokeriak eta petrolioa fintzea (%-1,2), Metalurgia eta metalezko produktuak (%-0,7).

2015eko azaroan, 2014koaren aldean, prezio-hazkunderik handienak: Ehungintza, larrugintza eta zapatagintza (%2,0), Garraio materialaren fabrikazioa (%1,7). Jaitsierak: Kokeriak eta petrolio fintzea (%-22,8), Metalurgia eta metalezko produktuak (%-3,9).

Ondasunen helburu ekonomikoaren araberako sailkapenari jarraituz, aurreko hilaren aldean, azaroan sektore-talde handietako prezioen bilakaerak, desberdinak. Energiaren prezioak %0,6 jaitsi dira, Bitarteko ondasunenak %0,4; Ekipo ondasunenak %0,2 gehitu eta Kontsumo-ondasunenak %0,0; horien barruan, Kontsumo-ondasun ez-iraunkorrenak %0,1 gehitu eta iraunkorrenak %0,1 jaitsi.

Ondasun-talde handi horietako prezioen aldakuntzak negatiboak dira urte artean, Ekipo ondasunetan izan ezik, non %0,7 gehitu diren. Energia %-12,2; Bitarteko ondasunak %-2,4; Kontsumo-ondasunak %-0,4. Azken horien barruan, Kontsumo-ondasun iraunkorren prezioak %-0,2, eta ez-iraunkorrenak %-0,5.

Euskal AEko Industriako Prezioen Indizea. Aldakuntza-tasak (p). 2015eko azaroa
Iturria: Eustat. Industria-prezioen indizea