2016/04/15eko prentsa-oharra
Euskal AEko Eraikuntzaren negozio-zifra %1,4 gutxitu zen 2014an
Inbertsioa %43,5 gehitu
2014an Euskal AEko Eraikuntzaren negozio-zifra garbia %1,4 gutxitu zen aurreko urtearen aldean, Eustaten datuen arabera. Inbertsioa %43,5 gehitu; 2013ko 324 milioitik 2014ko 465era.
2013an baino 2.780 lanpostu garbi gutxiago; pertsonal-gastuak %5,9 jaitsi, langile okupatuen jaitsiera baino puntu eta erdi gainetik.
2014an, negozio-zifra garbia: Gipuzkoan %+1,8; Bizkaian %-1,9; Araban %-7,4.
Langile 1etik 19ra bitarteko establezimenduetan, fakturazioaren %73,2 eta langileen %75,7. 20-49 langileko enpresetan enpleguaren %12,5 eta fakturazioaren %12,9. 50-99 bitarteko enpresetan, enpleguaren %5, negozio-zifraren %6. 100 langile edo gehiagokoetan, fakturazioaren %7,9 eta langileen %6,8.
Eraikuntza barruko jarduera-taldeek faktoreen kostuan erantsitako balioari eta langile okupatuen banaketari begiratuz gero, Instalazio elektrikoak, iturgintza eta beste instalazioetan dugu enplegatuen %30 eta balio erantsiaren %26. Eraikinen akaberan enpleguaren %23 eta balioaren %14. Eraikinak eraikitzean enpleguaren %19 eta balioaren %24. Higiezinen sustapenean balioaren %15 eta enpleguaren %6.
Ondasunaren azken erabileran, ez da askorik aldatu etxegintzaren (sustapenarekin batera) eta obra zibilaren arteko salmenta banaketa azken urteetan. 2014an etxegintzak (%58) sustapenarekin (%18) batera, salmenten %76 hartu zuen, 2013an bezalaxe eta 2012an eta 2011n baino puntu bat azpitik. Ba dago aldaketa zaharberritzearen eta obra berriaren arteko jardueraren banaketan, batez ere etxegintzan, non lehenengoa nagusitzen den. 2014an eraikinak zaharberritzeak ekarri zituen salmenten %28, bi urte lehenago baino 6 puntu gehiago; obra berrian 2012ko %35etik %2014ko %30era jaitsi, bost puntu. Obra zibil berria salmenten %13 2014an, 2012an baino bi puntu gutxiago.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.es Tel.: 945 01 75 62
Euskal AEKo eraikuntzaren estatistikari buruzko prentsa-ohar gehiago
Euskal AEko eraikuntzaren estatistika -datu bankua