2017/04/26ko prentsa-oharra

MERKATARITZA INDIZEA AZALERA HANDIETAN ETA ELIKADURA KATE HANDIETAN (AHEK) 2017KO MARTXOA

Euskal AEko azalera handietako eta elikadura kate handietako salmentak %4,4 gehitu ziren 2017ko martxoan

2017ko lehen hiru hiletan %2,6ko hazkundea

Eustaten arabera, lan-egutegiko baldintza homogeneoetan, 2017ko martxoan %4,4ko urte arteko gehikuntza izan zuten Euskal AEko azalera handietako eta elikadura kate handietako salmentek, prezio finkoetan. Aurreko hilaren, 2017ko otsailaren aldean, salmentak %0,7 gehitu ziren urtaro eraginik gabe.

Indize berri honen helburua da txikizkako merkataritzaren –azalera handien eta elikadura kate handien- hileko salmenten eta langile okupatuen koiunturako adierazlea izatea.

Elikagaien salmentek %5,3ko gehikuntza, eta gainerako salgaienek %2,5ekoa.

Gehikuntzak hiru lurraldeetan: Araban %3,5; Bizkaian %4,0; Gipuzkoan %5,5.

2017ko lehen hiruhilekoan, Euskal AEko azalera handietako eta elikadura kate handietako salmentak %2,6 gehitu, aurreko ekitaldiko hiruhileko beraren aldean, lan-egutegiko termino homogeneoetan, prezio finkoetan. Hil horietan, elikagaien salmentetan %+3,5; gainerakoenetan %+0,9.

Araban, urteko lehen hiruhileko salmentak %1,3 gehitu prezio finkoetan eta aurreko urteko aldi beraren aldean; Gipuzkoan %2,4; Bizkaian %3,0.

Azalera handietako eta elikadura kate handietako langile kopurua %0,4 gehitu zen 2017ko martxoan otsailaren aldean, urtaro-eraginik gabe.

Ohar metodologikoa: Euskal AEko azalera handietako eta elikadura kate handietako merkataritzaren indizeak azalera handietako merkataritzaren indizea ordezten du; hau egiteari 2016ko urrian utzi zitzaion, merkataritza koiunturaren hileko eboluzioa ez zuelako jasotzen, helburu horrekin sortua zelarik 90eko hamarraldian. Indize berrian, besteren artean erreferentzia-markoa berrikusi eta zabaldu egin da. Martxoko datuekin batera 2015eko urtarriletiko serieak daude eskuragarri; urte hori da oinarri indizeak kalkulatzeko.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Merkataritza indizea azalera handietan eta elikadura kate handietan (AHEK) )buruzko prentsa-ohar gehiago Euskal AEko Merkataritza indizea azalera handietan eta elikadura kate handietan (AHEK) gaineko datu-bankua