2017/05/26ko prentsa-oharra
Euskal AEko azalera handietako eta elikadura kate handietako salmentak %2,8 jaitsi ziren 2017ko apirilean
2017ko lehen lau hiletan %0,9ko hazkundea
Eustaten arabera, lan-egutegiko baldintza homogeneoetan, 2017ko apirilean %2,8ko urte arteko jaitsiera izan zuten Euskal AEko azalera handietako eta elikadura kate handietako salmentek, prezio finkoetan. Martxoaren aldean, salmentak %1,1 jaitsi ziren urtaro eraginik gabe.
Elikagaietan %3,2ko urte arteko jaitsiera salmentetan, eta gainerako produktuenetan %2,1ekoa.
Bizkaian %-3,0 salmentetan; Gipuzkoan %-2,6; Araban %-2,8.
2017ko lehen lauhilekoan, Euskal AEko azalera handietako eta elikadura kate handietako salmentak %0,9 gehitu, aurreko ekitaldiko hiruhileko beraren aldean, lan-egutegiko termino homogeneoetan, prezio finkoetan. Hil horietan, elikagaien salmentetan %+1,4; gainerakoenetan %+0,1.
Araban, urteko lehen lauhileko salmentak %0,1 gehitu prezio finkoetan eta aurreko urteko aldi beraren aldean; Gipuzkoan %1,0; Bizkaian %1,2.
Azalera handietako eta elikadura kate handietako langile kopurua %0,3 gehitu zen 2017ko apirilean martxoaren aldean, urtaro-eraginik gabe.
Ohar metodologikoa: Euskal AEko azalera handietako eta elikadura kate handietako merkataritzaren indizeak azalera handietako merkataritzaren indizea ordezten du; hau egiteari 2016ko urrian utzi zitzaion, merkataritza koiunturaren hileko eboluzioa ez zuelako jasotzen, helburu horrekin sortua zelarik 90ko hamarraldian. Indize berrian, besteren artean erreferentzia-markoa berrikusi eta zabaldu egin da. Apirileko datuekin batera 2015eko urtarriletiko serieak daude eskuragarri; urte hori da oinarri indizeak kalkulatzeko.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Merkataritza indizea azalera handietan eta elikadura kate handietan (AHEK) )buruzko prentsa-ohar gehiago
Euskal AEko Merkataritza indizea azalera handietan eta elikadura kate handietan (AHEK) gaineko datu-bankua