HomeGaiakMerkataritza indizea azalera handietan eta elikadura kate handietanPrentsa Oharrak Euskal AEko azalera...

2017/09/06ko prentsa-oharra

MERKATARITZA INDIZEA AZALERA HANDIETAN ETA ELIKADURA KATE HANDIETAN (AHEK) 2017KO UZTAILA

Euskal AEko azalera handietako eta elikadura kate handietako salmentak %1,9 gehitu ziren 2017ko uztailean

2017ko lehen zazpi hiletan %2,0ko hazkundea

Eustaten arabera, lan-egutegiko baldintza homogeneoetan, 2017ko uztailean %1,9ko urte arteko gehikuntza izan zuten Euskal AEko azalera handietako eta elikadura kate handietako salmentek, prezio finkoetan. Ekainaren aldean, salmentak %0,2 jaitsi ziren urtaro eraginik gabe.

Elikagaien salmentek %2,8ko gehikuntza, gainerako salgaienek %0,6koa.

Gehikuntzak hiru lurraldeetan: Araban %4,1; Gipuzkoan %2,8; Bizkaian %0,8.

2017ko lehen zazpi hiletan, Euskal AEko azalera handietako eta elikadura kate handietako salmentak %2,0 gehitu, aurreko ekitaldiko aldi beraren aldean, lan-egutegiko termino homogeneoetan, prezio finkoetan. Hil horietan, elikagaien salmentetan %+2,3; gainerakoenetan %+1,5.

Araban, urteko lehen zazpi hiletako salmentak %1,6 gehitu prezio finkoetan eta aurreko urteko aldi beraren aldean; Bizkaian %2,0; Gipuzkoan %2,2.

Azalera handietako eta elikadura kate handietako langile kopurua %0,1 gutxitu zen 2017ko uztailean ekainaren aldean, urtaro-eraginik gabe; urte artean %4,4 gehitu.

1. taula. Euskal AEko azalera handi eta elikadura kate handietako merkataritzaren indizea. Urte arteko eta hile arteko aldakuntza-tasa. Uztaila. 2017
Iturria: Eustat. Merkataritza indizea azalera handietan eta elikadura kate handietan (AHEK)