HomeGaiakMerkataritza indizea azalera handietan eta elikadura kate handietanPrentsa Oharrak Euskal AEko azalera...

2018/02/26ko prentsa-oharra

MERKATARITZA INDIZEA AZALERA HANDIETAN ETA ELIKADURA KATE HANDIETAN (AHEK). 2018ko URTARRILA

Euskal AEko azalera handietako eta elikadura-kate handietako salmentek % 0,4 egin dute gora, 2018ko urtarrilean

Aurreko hilaren aldean, % 0,3 egin dute gora

Euskal AEko merkataritza-azalera handietako eta elikadura-kate handietako salmentek, 2018ko urtarrilean, urte arteko igoera erregistratu dute, % 0,4ko prezio finkoetan, lan-egutegiko baldintza homogeneoetan, Eustatek emandako datuen arabera. 2017ko abenduaren aldean, salmentek % 0,3 egin dute gora, urtaro-eraginik gabe.

Azalera handietako eta elikadura-kate handietako elikagaien salmentek % 1,7ko igoera erakusten dute, eta gainerako artikuluen salmentek % 1,6ko beherakada, aurreko urteko hil beraren aldean.

Lurraldeetan, aldakuntzak ez dira berak: Gipuzkoan % 1,1eko gorakada egon da, Bizkaian % 0,2koa, baina, Araban, % 0,4ko beherakada, urte arteko aldian.

Aurreko hilaren aldean, 2017ko abenduaren aldean, elikagaien salmentek % 0,4 egin dute gora eta gainerako artikuluen salmentek ez dute aldakuntzarik izan (% 0,0), prezio finkoetan eta urtaro-eraginik gabe.

Lurraldeen arabera, aurreko hilaren aldean, 2017ko abenduaren aldean, prezio finkoetan eta urtaro-eraginik gabe, Gipuzkoak % 0,5eko igoera izan du, Bizkaiak % 0,2koa eta Arabak % 0,1ekoa.

Euskal AEko azalera handietako eta elikadura-kate handietako langile enplegatuek % 2,4 egin dute gora, aurreko urteko hil beraren aldean, eta % 1,9 egin dute gora, halaber, aurreko hilaren aldean, urtaro-eraginik gabe.

1. taula. Euskal AEko azalera handi eta elikadura kate handietako merkataritzaren indizea. Urte arteko eta hile arteko aldakuntza-tasa. Urtarrila. 2018
Iturria: Eustat. Azalera handi eta elikadura kate handietako merkataritzaren indizea-AHEK