HomeGaiakIndustria-prezioen indizea (IPRI)Prentsa Oharrak 2018ko martxoan Euskal...

2018/04/24ko prentsa-oharra

INDUSTRIA-PREZIOEN INDIZEA. 2018ko Martxoa

2018ko martxoan Euskal AEko industria-prezioek %0,2 egin dute gora aurreko hilaren aldean

Aurreko urtearen aldean (2018ko martxoa 2017koaren aldean) %2,0 gehitu

Eustaten datuen arabera, Euskal AEko industria-prezioak %0,2 gehitu ziren 2018ko martxoan aurreko hilaren aldean. Datu horiek kontuan, martxoko urte arteko tasa (azken hamabi hilabeteetan industri prezioek izandako aldakuntza) %2,0 gehitu.

2018ko martxoan, Metalurgia eta metalezko produktuak (%1,2), Ehungintza, jantzigintza, larrugintza eta zapatagintza (%1,0), Zura, papera eta arte grafikoak (%0,8), Erauzketa industriak (%0,8) adarrek, besteak beste, gehitu zituzten gehien prezioak, aurreko hilaren aldean. Jaitsierarik handienak: Energia elektrikoa, gasa eta lurruna (%-1,2), Produktu farmazeutikoen fabrikazioa (%-0,3), Industria kimikoa (%-0,3).

Ondasunen helburu ekonomikoaren arabera, aurreko hilaren aldean, Energiaren prezioak %-0,9, Bitarteko ondasunenak %+0,8; Ekipo-ondasunenak %+0,2. Kontsumo-ondasunen prezioetan %+0,5. Iraunkorrenetan %+0,3, ez-iraunkorrenetan %+0,5.

2018ko martxoan, 2017koaren aldean, prezio-hazkunderik handienak: Metalurgia eta metalezko produktuak (%5,1); Ehungintza, jantzigintza, larrugintza eta zapatagintza (%3,0); Kokeriak eta petrolioa fintzea (%2,7). Jaitsierarik handienak: Jaitsierarik handienak: Energia elektrikoa, gasa eta lurruna (%-0,7); Produktu farmazeutikoak (%-0,5); Produktu informatiko eta elektronikoak (%-0,3).

Urte artean: Energiaren prezioak %1,0 gehitu, Bitarteko ondasunenak %3,5, Ekipo-ondasunenak %1,7. Kontsumo-ondasunak, oro har, %1,4 gehitu. Kontsumo-ondasun ez-iraunkorren prezioak %1,6, iraunkorrenak %0,6.