2018/11/27ko prentsa-oharra

AZALERA HANDIETAKO ETA ELIKADURA KATE HANDIETAKO MERKATARITZA INDIZEA (AHEK), 2018KO URRIA

Euskal AEko azalera handietako eta elikadura-kate handietako salmentak %8,0 handitu dira 2018ko urrian

2018ko lehen hamar hiletako metatuan %1,9ko hazkundea dago

Eustaten arabera, lan-egutegiko baldintza homogeneoetan, 2018ko urrian %8,0ko urte arteko gehikuntza izan dute Euskal AEko azalera handietako eta elikadura-kate handietako salmentek, prezio finkoetan. Irailaren aldean, salmentak %2,9 gehitu dira urtaroen eraginik gabe.

Elikagaien salmentak %6,1 gehitu dira, eta gainerako salgaienak %12,0, aurreko urteko hil beraren aldean.

2018ko irailaren aldean, elikagaien salmentak %1,7 igo dira eta gainerako produktuenak %5,3, prezio finkoetan eta urtaroen eragina kontuan hartu gabe.

Lurraldeetan, urte artean Bizkaian %9,0ko igoera izan da, Gipuzkoan %8,5ekoa eta Araban %3,0koa.

Euskal AEko azalera handietako eta elikadura-kate handietako langile-kopurua %4,0 gehitu da aurreko urteko hil beraren aldean.

2018ko lehenengo hamar hiletako balantzea

Euskal AEko azalera handietako eta elikadura-kate handietako salmentek, urte artean eta prezio finkoetan, %1,9ko igoera eduki dute 2018ko lehenengo hamar hiletan. Igoera hori gertatu da, bereziki, elikagaien salmentek izandako gehikunzari esker, %2,4, zeren gainerako produktuenetan, hor ere igoerarik gertatu bada ere, proportzio txikiagoan izan baita (%1,1).

Euskal AEko azalera handietako eta elikadura-kate handietako langile-kopurua %3,3 gehitu da 2018ko lehen hamar hiletan.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62