2018/12/26ko prentsa-oharra

AZALERA HANDIETAKO ETA ELIKADURA KATE HANDIETAKO MERKATARITZAREN INDIZEA (AHEK), 2018KO AZAROA

Euskal AEko azalera handietako eta elikadura-kate handietako salmentak %0,2 jaitsi dira 2018ko azaroan

2018ko lehen hamaika hiletan %1,7ko hazkunde metatua dago

Eustaten arabera, lan-egutegiko baldintza homogeneoetan, 2018ko azaroan %0,2ko urte arteko beherakada izan dute Euskal AEko azalera handietako eta elikadura-kate handietako salmentek, prezio finkoetan. Urriaren aldean, salmentak %1,8 jaitsi dira, urtaro eraginik gabe.

Elikagaien salmentak %0,5 jaitsi dira, eta gainerako salgaienak %0,5 igo dira, aurreko urteko hil beraren aldean.

2018ko urriaren aldean, elikagaien salmentak %1,2 jaitsi dira eta gainerako produktuenak %3,0, prezio finkoetan eta urtaroen eragina kontuan hartu gabe.

Lurraldeetan, Bizkaian %0,1eko igoera izan da, baina Gipuzkoan %0,2ko jaitsiera gertatu da eta Araban %1,3koa, den-dena urte artean.

Euskal AEko azalera handietako eta elikadura-kate handietako langile-kopurua %2,9 gehitu da aurreko urteko hil beraren aldean.

2018ko lehenengo hamaika hiletako balantzea

Euskal AEko azalera handietako eta elikadura-kate handietako salmentek, urte artean eta prezio finkoetan, %1,7ko igoera eduki dute 2018ko lehenengo hamaika hiletan. Igoera hori gertatu da, bereziki, elikagaien salmentek izandako gehikunzari esker, %2,0, zeren gainerako produktuenetan, hor ere igoerarik gertatu bada ere, proportzio txikiagoan izan baita (%1,1).

Euskal AEko azalera handietako eta elikadura-kate handietako langile-kopurua %3,2 gehitu da 2018ko lehen hamaika hiletan.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62