2020/02/14ko prentsa-oharra

ZERBITZUEN KOIUNTURAKO INDIZEA. MERKATARITZA. IV/2019

Merkataritzako salmentak % 0,5 igo dira 2019ko laugarren hiruhilekoan Euskal AEn

Merkataritzak % 1,0ko igoera izan zuen 2019an salmentetan, termino errealetan

Handizkako eta txikizkako merkataritza eta ibilgailuen salmenta eta konponketa barne hartzen dituen Merkataritza-sektoreak % 0,5eko igoera izan du salmentetan, termino errealetan, 2019ko laugarren hiruhilekoan, aurreko urteko hiruhileko berarekin alderatuta, Eustatek landutako datuen arabera.

Aurreko hiruhilekoarekin alderatuta, Merkataritzaren sektoreak % 0,2ko igoera izan du, prezio konstanteetan eta urtaro-eraginak ezabatu ondoren.

Merkataritzaren barruan, urte arteko bilakaerak positiboak izan dira ibilgailu motordunen salmenta eta konponketarako (% 6,0 igo da) eta txikizkako salmentetarako (% 0,2 igo dira); handizkako merkataritzaren salmentak, berriz, % 0,3 murriztu dira.

Lurraldeen arabera, Araban % 3,0 igo da Merkataritza, eta Gipuzkoan % 1,5 hazi da, baina Bizkaian % 0,9 jaitsi da, hori guztia 2018ko laugarren hiruhilekoarekin alderatuta, eta prezioen eragina kenduta.

Euskal AEko Merkataritzan lan egiten duten langileen indizeak ez du aldaketarik izan (% 0,0) urte arteko aldian.

2019ko urteko balantzea

Urte osoan, Merkataritza-sektoreko salmentek % 1,0ko igoera metatua izan dute; handizkako merkataritzak % 1,6 eta txikizkakoak % 0,9 egin dute gora, eta ibilgailu motordunen salmenta eta konponketak, berriz, % 1,1 egin du atzera.

Araban, Merkataritza-sektoreko salmentak % 2,2 igo dira; Bizkaian, % 0,4; eta Gipuzkoan, % 1,5; hori guztia, prezio konstanteetan.

Merkataritza-sektorean lan egiten duten langileen kopurua % 0,8 igo zen 2019an, aurreko urteko batezbestekoaren aldean.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62