2021/12/30eko prentsa-oharra
KANPO MERKATARITZAREN UNITATE BALIOAREN INDIZEAK–UBI. III/2021
2021eko hirugarren hiruhilekoan esportazioen prezioak % 3,4 igo ziren aurreko hiruhilekoaren aldean
Inportazioen prezioak, halaber, % 8,2 igo ziren
2021eko hirugarren hiruhilekoan, esportazioen prezioak % 3,4 igo dira 2021eko bigarren hiruhilekoarekin alderatuta, Eustatek landutako datuen arabera. Aurreko urteko hiruhileko berarekin alderatuz gero, % 9,4ko gorakada izan da.
Inportazioen prezioek joera berari jarraitzen diote: % 8,2 igo dira aurreko hiruhilekoarekin alderatuta, eta % 25,4 hazi dira 2020ko hirugarren hiruhilekoaren aldean.
Esportazioen barruan, produktu energetikoen prezioak % 10,7 igo ziren 2021eko bigarren hiruhilekoaren aldean, eta ez-energetikoenak % 3,2. Aurreko urteko hiruhileko beraren aldean, ondasun energetikoen prezioak % 29,0 igo dira, eta ez-energetikoenak % 8,9.
Inportazioen kasuan, produktu energetikoen prezio-indizea % 18,7 hazi zen hiruhileko arteko tasan, eta ez-energetikoena % 5,5. Urte arteko alderaketan, prezio energetikoak nabarmen igo dira, % 73,2, eta ez-energetikoak % 16,1.
Euskal AEko kanpo-merkataritzako balio bateratuaren indizeak, helburu ekonomikoaren arabera (%). 2021/III
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 3,4 | 9,4 | 8,2 | 25,4 |
| | | | | |
| Energiazko gaiak | 10,7 | 29,0 | 18,7 | 73,2 |
| Energiazkoak ez diren gaiak | 3,2 | 8,9 | 5,5 | 16,1 |
| Kontsumo-ondasunak | 2,5 | 2,5 | 2,9 | 6,5 |
| Kapital-ondasunak | 1,2 | 7,7 | 4,5 | 0,8 |
| Bitarteko ondasunak | 4,5 | 12,0 | 8,8 | 29,9 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2021eko Abenduaren 30a
Oinarria: Eustat. Kanpo-merkataritzaren unitate balioaren indizeak-UBI
Ondasunen helburu ekonomikoaren araberako sailkapenari jarraikiz, nabarmentzekoa da, aurreko hiruhilekoaren aldean, Bitarteko Ondasunen (% 4,5), Kontsumo Ondasunen (% 2,5) eta Kapital Ondasunen (% 1,2) esportazioen prezioek izan duten igoera. Urte arteko terminoetan, Bitarteko Ondasunen (% 12,0), Kapital Ondasunen (% 7,7) eta Kontsumo Ondasunen (% 2,5) prezioek ere gora egin dute.
Azterketa inportazioetara bideratuz gero, ikusten da ezen Bitarteko Ondasunen prezioak igo direla hala hiruhileko artean (% 8,8) nola urte artean (% 29,9). Gauza bera gertatu da beste bi ondasun-motetan ere; hala, Kontsumo Ondasunak % 2,9 igo dira aurreko hiruhilekoarekin alderatuta, eta % 6,5 aurreko urteko hiruhileko beraren aldean. Kapital Ondasunei dagokienez, hiruhileko artean % 4,5 hazi dira, baina hazkundea apalagoa izan da aurreko urtearekin alderatuta, % 0,8ko igoera baino ez baitute izan.
Esportazioen xede diren eremu ekonomikoak kontuan hartuta, 2021eko bigarren hiruhilekoarekin alderatuta, prezioek gora egin zuten eremu guztietan. EB-28an % 3,1 hazi dira, % 3,2 ELGAn, % 3,6 Euro eremuan eta % 4,5 Munduko gainerakoan. Aurreko urteko hiruhileko berarekin alderatuta, joera errepikatu egin da: prezioek gora egin dute eremu ekonomiko guztietan, eta nabarmentzekoak dira Euro eremua (% 11,5) eta, bereziki, Munduko gainerakoa (% 11,9). Gainerako eremuetan ere tasa positiboak daude: EB-28an % 10,2ko hazkunde-tasa dago, eta ELGAn % 8,8koa.
Euskal AEko kanpo-merkataritzako balio bateratuaren indizeak, arlo ekonomikoen arabera (%). 2021/III
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 3,4 | 9,4 | 8,2 | 25,4 |
| | | | | |
| Euro eremua | 3,6 | 11,5 | 2,0 | 9,6 |
| EB-28 | 3,1 | 10,2 | 3,2 | 10,3 |
| ELGE | 3,2 | 8,8 | 7,3 | 21,8 |
| Munduko besteak | 4,5 | 11,9 | 9,9 | 34,6 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2021eko Abenduaren 30a
Oinarria: Eustat. Kanpo-merkataritzaren unitate balioaren indizeak-UBI
Inportazioetan prezioak igo dira aurreko hiruhilekoaren aldean eremu geografiko guztietan, nabarmen ELGAn (% 7,3) eta, bereziki, Munduko gainerakoan (% 9,9). Aurreko urteko hiruhileko berarekin alderatuta ere hazkunde-tasa positiboak erregistratu dira eremu ekonomiko guztietan. Nabarmentzekoak dira ELGA (% 21,8) eta Munduko gainerakoa (% 34,6), eremu batzuk zeinetan, hain zuzen, osagai “energetikoaren” eragin handia baitago.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62