2022/02/28ko prentsa-oharra
AZALERA HANDIETAKO ETA ELIKADURA KATE HANDIETAKO MERKATARITZA INDIZEA. 2022KO URTARRILA
Euskal AEko azalera handietako eta elikadura-kate handietako salmentak % 1,1 igo dira 2022ko urtarrilean
2021eko abenduarekin alderatuta, salmentak % 0,9 igo ziren
Eustatek landutako datuen arabera, Euskal AEko merkataritza-azalera handietako eta elikadura-kate handietako salmentak % 1,1 igo dira 2022ko urtarrilean, 2021eko hil beraren aldean, prezio konstanteetan eta lan-egutegiko baldintza homogeneotan.
Prezio konstanteetako salmenten bilakaera positiboa izan da 2021eko abenduaren aldean ere: % 0,9ko igoera urtaro-eraginik gabeko terminoetan.
Salmenten urte arteko portaera ez da homogeneoa izan sektoreka. Hala, elikagaien salmentak % 1,7 jaitsi dira 2021eko urtarrilaren aldean, eta gainerako produktuen salmentak % 6,9 igo dira urte arteko terminoetan 2022ko urtarrilean.
2021eko abenduarekin alderatuta, urtaro-eraginik gabeko terminoetan, joera positiboa izan da bi sektoreetan, elikagaien salmentetan % 1,3 eta gainerako produktuetan % 0,2, prezio konstanteetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Urtarrila 2022
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 1,1 | 0,9 | 1,1 |
| Araba/Álava | -3,4 | -1,1 | -3,4 |
| Bizkaia | 5,0 | 1,8 | 5,0 |
| Gipuzkoa | -3,4 | 0,3 | -3,4 |
| | | | |
| INDIZE OROKORRA sektorearen arabera | | | |
| Janariak | -1,7 | 1,3 | -1,7 |
| Gainerako produktuak | 6,9 | 0,2 | 6,9 |
| | | | |
| LANGILERIA-INDIZEA | | | |
| Euskal AE | 5,0 | 1,6 | 5,0 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2022ko Otsailaren 28a
Iturria: Eustat. Merkataritza indizea azalera handietan eta elikadura kate handietan (AHEK)
Salmenten bilakaerak % 5,0ko urte arteko igoera izan du Bizkaian; Araban eta Gipuzkoan, berriz, 2022ko urtarrilean izandako salmentak % 3,4 txikiagoak izan dira aurreko urteko hil berean izandakoak baino.
Euskal AEko azalera handietako eta elikadura-kate handietako langile enplegatuak % 5,0 gehitu dira 2022ko urtarrilean, aurreko urteko hil beraren aldean. Aurreko hilaren aldean (2021eko abendua), enplegua % 1,6 hazi da.
INFORMAZIO OHARRA
Urte arteko aldakuntzak kalkulatzeko, egutegi-eraginik gabeko serie zuzenduak erabiltzen dira, eta hil arteko aldakuntzak kalkulatzeko, urtaro-eraginik gabeko serieak.
Indize ekonomiko koiuntural honetan eta beste indize ekonomiko koiuntural batzuetan kontuan hartzen diren langile enplegatuen artean, Enplegua Aldi Baterako Erregulatzeko Espedientea (EABEE) duten pertsonak sartzen dira, Europar Batasuneko Estatistika Bulegoak (Eurostat) Methodology of Short Term Business Statistics eskuliburuan jasotzen duen enplegatuaren definizioari jarraituz.
Eustatek eskerrak ematen dizkie Azalera handietako eta elikadura-kate handietako merkataritza-indizea egiten lagundu duten establezimendu guztiei. Haiei esker, 2022ko urtarrileko indizea % 100,0ko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62