2022/02/21eko prentsa-oharra
INDUSTRIA PREZIOEN INDIZEA. 2022ko URTARRILA
Euskal Autonomia Erkidegoko industria-prezioek % 3,3 egin dute gora 2022ko urtarrilean, aurreko hilaren aldean
2021eko urtarrilarekin alderatuta, industria-prezioek % 15,4 egin dute gora
Euskal Autonomia Erkidegoko industria-prezioek % 3,3 egin dute gora 2022ko urtarrilean, aurreko hilaren aldean, Eustaten datuen arabera. Urtarrileko urte arteko tasa –azken hamabi hiletako industria-prezioen aldakuntza jasotzen du– % 15,4koa da.
Analisi zehatzago batek erakusten du 2022ko urtarrilean prezioetan aurreko hilaren aldean hazkuntza nabarmenenak izan dituzten sektoreak honako hauek izan direla: Kokeriak eta petrolio-fintzea (% 7,2), Zurgintza, papera eta arte grafikoak (% 5,3) eta Industria kimikoa (% 4,7). Prezioetan hilen artean beherakada izan duen sektore bakarra, berriz, Erauzketa-industriena izan da (% 1,2 egin du behera).
Helmuga ekonomikoaren araberako ondasunen sailkapenarekin jarraitzeko, prezioen aldakuntzak, aurreko hilarekin alderatuta, guztiak izan dira positiboak: Energiak gora egin du prezioetan % 6,1, Tarteko ondasunek % 3,4, Ekipo-ondasunek % 2,0 eta Kontsumo-ondasunek, oro har, % 1,9, Kontsumo ez-iraunkorreko ondasunen % 2,0ko eta Kontsumo iraunkorreko ondasunen % 1,3ko igoeraren ondorioz.
Euskal AEko Industria prezioen indizea. Aldakuntza-tasak (p). Urtarrila 2022
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 118,7 | 3,3 | 15,4 |
| | | | |
| SEKTORE-BANAKETA | | | |
| Ateratze-industriak | 109,6 | -1,2 | 0,5 |
| Manufaktura-industria | 117,6 | 3,2 | 12,8 |
| Elikaduraren, edarien eta tabakoaren industria | 113,3 | 3,5 | 6,6 |
| Ehungintza, jantzigintza, larrugintza eta zapatagintza | 104,2 | 0,3 | -3,8 |
| Zurgintza, papera eta arte grafikoak | 121,4 | 5,3 | 17,0 |
| Kokeak eta petrolioa fintzen | 134,1 | 7,2 | 40,0 |
| Industria kimikoa | 132,0 | 4,7 | 20,9 |
| Botiken fabrikazioa | 114,3 | 1,0 | 1,6 |
| Kautxu eta plastikoa, beste produktu mineral ez-metalezkoak | 103,2 | 1,4 | 3,8 |
| Metalurgia eta produktu metalikoak | 124,3 | 2,8 | 18,6 |
| Informatikako, elektronikako eta optikako produktuen fabrikazioa | 116,9 | 1,4 | 6,8 |
| Material eta ekipo elektrikoen fabrikazioa | 111,4 | 3,7 | 3,9 |
| Beste inon sailkatu gabeko makineriaren eta ekipoen fabrikazioa | 107,7 | 1,6 | 4,1 |
| Garraiorako materialen fabrikazioa | 108,0 | 1,5 | -0,9 |
| Altzariak, beste manufaktura-ind., konponketa eta instalazioa | 110,5 | 0,9 | 3,4 |
| Energia elektrikoa, gasa eta lurruna | 126,1 | 4,0 | 32,9 |
| Ura | 114,4 | 3,0 | 6,4 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 112,1 | 1,9 | 4,5 |
| Kontsumoondasun iraunkorrak | 108,0 | 1,3 | 3,2 |
| Kontsumoondasun ez-iraunkorrak | 112,8 | 2,0 | 4,7 |
| Ekipo-ondasunak | 112,2 | 2,0 | 3,2 |
| Bitarteko ondasunak | 118,6 | 3,4 | 14,4 |
| Energia | 133,7 | 6,1 | 40,2 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2022ko Otsailaren 21a
Iturria: Eustat. Industria Prezioen Indizea
Urte arteko terminoetan, 2022ko urtarrila 2021eko urtarrilaren aldean, prezioen igoera handienak honako adarretan izan dira: Kokeriak eta petrolio-fintzea (% 40,0), Energia elektrikoa, gasa eta lurruna (% 32,9) eta Industria kimikoa (% 20,9). Behera egin dute prezioetan, berriz, Ehungintzak, jantzigintzak, larrugintzak eta oinetakoen industriak (% 3,8) eta Garraio-materialaren fabrikazioak (% 0,9).
Halaber, helburu ekonomikoaren arabera ondasunen talde handien prezioen aldakuntza urte arteko aldian positiboa izan da horientzat guztientzat: Energiarenak % 40,2 egin du gora, Tarteko ondasunenak % 14,4 eta Ekipoko ondasunenak % 3,2. Kontsumo-ondasunek, oro har, % 4,5eko hazkundea izan dute prezioetan, Kontsumo ez-iraunkorreko ondasunen prezioak % 4,7 igo direlako eta Kontsumo iraunkorreko ondasunen prezioak % 3,2 igo direlako.
INFORMAZIO-OHARRA
Eustat-ek eskerrak eman nahi dizkie elkarlanean jardun duten establezimendu guztiei, egin duten ahaleginagatik, egoerak ezohikoak izan badira ere. Haiei esker, urtarrileko indizea laginaren % 95,09ko estaldurarekin kalkulatu da –haren informazioa urtarrilean eta otsailean jaso da–.
Argibide gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62