2022/04/21eko prentsa-oharra
INDUSTRIA PREZIOEN INDIZEA. 2022KO MARTXOA
Euskal AEko industria-prezioak % 4,1 igo dira 2022ko martxoan aurreko hilaren aldean
2021eko martxoarekin alderatuta, industria-prezioek % 22,6 egin dute gora, energiaren sektoreetan igoera handiak izan direlako
Eustatek landutako datuen arabera, Euskal AEko industria-prezioak % 4,1 igo dira 2022ko martxoan aurreko hilaren aldean. Martxoko urte arteko tasa (azken hamabi hilabeteetan industria-prezioek izandako aldakuntza laburbiltzen duena) % 22,6koa izan da.
Azterketa xeheago batek agerian uzten du ezen, aurreko hilaren aldean, 2022ko martxoan prezioetan hazkunderik handienak izan dituzten sektoreak honako hauek izan direla: Kokeriak eta petrolioa fintzea (% 20,4), Energia elektrikoa, gasa eta lurruna (% 6,2) eta Erauzketa-industriak (% 3,0). Aitzitik, prezioetan hilabete arteko jaitsierak izan dituzten sektoreak honako hauek izan dira: Makineriaren eta ekipoen fabrikazioa (% 1,0 behera), Altzariak; beste manufaktura-industriak; konponketa eta instalazioa (% 0,3) eta Garraio-materialaren fabrikazioa (% 0,1).
Ondasunen helburu ekonomikoaren araberako sailkapenari jarraituz, 2022ko otsailaren aldean prezioek izandako aldakuntzek zeinu positiboa izan dute Energian (% 13,9 igo dira prezioak), Bitarteko ondasunetan eta Kontsumo-ondasunetan, oro har (biak % 1,7ko hazkundearekin). Azken hauen kasuan, igoera Kontsumo-ondasun ez-iraunkorren % 1,9ko eta Kontsumo-ondasun iraunkorren % 0,2ko igoerek eragin dute. Ekipo-ondasunen prezioak, aldiz, % 0,5 jaitsi dira aurreko hilaren aldean.
Euskal AEko Industria prezioen indizea. Aldakuntza-tasak (p). Martxoa 2022
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 128,6 | 4,1 | 22,6 |
| | | | |
| SEKTORE-BANAKETA | | | |
| Ateratze-industriak | 110,4 | 3,0 | 4,2 |
| Manufaktura-industria | 124,5 | 3,7 | 17,2 |
| Elikaduraren, edarien eta tabakoaren industria | 117,2 | 2,2 | 9,9 |
| Ehungintza, jantzigintza, larrugintza eta zapatagintza | 103,2 | 0,6 | 3,2 |
| Zurgintza, papera eta arte grafikoak | 126,2 | 1,0 | 21,4 |
| Kokeak eta petrolioa fintzen | 169,5 | 20,4 | 60,9 |
| Industria kimikoa | 138,5 | 1,5 | 25,5 |
| Botiken fabrikazioa | 119,9 | 1,7 | 6,8 |
| Kautxu eta plastikoa, beste produktu mineral ez-metalezkoak | 107,0 | 0,8 | 8,1 |
| Metalurgia eta produktu metalikoak | 130,4 | 1,9 | 19,9 |
| Informatikako, elektronikako eta optikako produktuen fabrikazioa | 118,1 | 0,8 | 8,4 |
| Material eta ekipo elektrikoen fabrikazioa | 112,6 | 0,6 | 5,0 |
| Beste inon sailkatu gabeko makineriaren eta ekipoen fabrikazioa | 108,6 | -1,0 | 4,9 |
| Garraiorako materialen fabrikazioa | 105,4 | -0,1 | -1,7 |
| Altzariak, beste manufaktura-ind., konponketa eta instalazioa | 110,3 | -0,3 | 3,1 |
| Energia elektrikoa, gasa eta lurruna | 154,4 | 6,2 | 59,2 |
| Ura | 120,3 | 0,3 | 9,3 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 115,6 | 1,7 | 7,7 |
| Kontsumoondasun iraunkorrak | 108,9 | 0,2 | 3,9 |
| Kontsumoondasun ez-iraunkorrak | 116,8 | 1,9 | 8,3 |
| Ekipo-ondasunak | 111,1 | -0,5 | 3,1 |
| Bitarteko ondasunak | 123,9 | 1,7 | 17,1 |
| Energia | 165,0 | 13,9 | 62,4 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2021eko Abenduaren 20a
Iturria: Eustat. Industria Prezioen Indizea
Urte arteko terminoetan, 2022ko martxoan, 2021eko martxoaren aldean, prezio-hazkunderik handienak adar hauetan gertatu dira: Kokeriak eta petrolioa fintzea (% 60,9ko igoera), Energia elektrikoa, gasa eta lurruna (% 59,2ko igoera) eta Industria Kimikoa (% 25,5ekoa). Kontrako noranzkoan, Garraio-materialaren fabrikazioa sektorean bakarrik jaitsi dira prezioak, % 1,7, urte arteko terminoetan.
Helburu ekonomikoaren araberako ondasun-talde handien prezioen urte arteko aldakuntza positiboa izan da denentzat: Energiarenak % 62,4 igo dira, Bitarteko ondasunenak % 17,1 eta Ekipo-ondasunenak % 3,1. Kontsumo-ondasunak, oro har, % 7,7 igo dira, Kontsumo-ondasun ez-iraunkorren prezioak % 8,3 igo direlako, eta Kontsumo-ondasun iraunkorrenak % 3,9.
INFORMAZIO OHARRA
Eustatek eskerrak ematen dizkie egindako ahaleginagatik lagundu duten establezimendu guztiei, zirkunstantziak gorabehera. Haiei esker, martxoko indizea laginaren % 91,55eko estaldurarekin kalkulatu da, eta horren informazioa martxoan eta apirilean jaso da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62