2022/09/05eko prentsa-oharra
AZALERA HANDIETAKO ETA ELIKADURA-KATE HANDIETAKO MERKATARITZA-INDIZEA. 2022KO UZTAILA
Euskal AEko azalera handietako eta elikadura-kate handietako salmentak % 5,2 jaitsi dira 2022ko uztailean
Ekainarekin alderatuta, salmentak % 1,5 murriztu dira
Euskal AEko azalera handietako eta elikadura-kate handietako salmentak % 5,2 jaitsi dira 2022ko uztailean, aurreko urteko hil berarekin alderatuta, prezio konstanteetan eta lan-egutegiko baldintza homogeneoetan, Eustatek landutako datuen arabera.
2022ko ekainaren aldean, prezio konstanteetako salmenten bilakaera ere negatiboa izan da, % 1,5eko jaitsierarekin urtaro-eraginik gabeko terminoetan.
Sektoreka eskuratutako indizeak aurreko hilabetekoekin alderatuta, prezio konstanteen atzerakada bai elikaduran (% 1,2) bai gainerako produktuetan (% 2,0) gertatu da.
Urte arteko terminoetan, 2022ko uztaila eta 2021eko uztaila alderatuta, prezio konstanteetako salmenten bilakaera ere negatiboa izan da bi sektoreetan: % 6,8 gutxiago elikaduran eta % 2,2 gutxiago gainerako produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Uztaila 2022
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -5,2 | -1,5 | -1,7 |
| Araba/Álava | -6,4 | -2,6 | -3,2 |
| Bizkaia | -4,8 | -1,8 | -0,2 |
| Gipuzkoa | -5,1 | -0,2 | -3,5 |
| | | | |
| INDIZE OROKORRA sektorearen arabera | | | |
| Janariak | -6,8 | -1,2 | -5,7 |
| Gainerako produktuak | -2,2 | -2,0 | 7,1 |
| | | | |
| LANGILERIA-INDIZEA | | | |
| Euskal AE | 0,2 | 0,5 | 2,1 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2022ko Irailaren 5a
Iturria: Eustat. Merkataritza indizea azalera handietan eta elikadura kate handietan (AHEK)
Lurralde historikoka, 2022ko uztailean, aurreko urtearekin alderatuta, azalera handietako eta elikadura-kate handietako salmentak % 6,4 jaitsi dira Araban, % 5,1 Gipuzkoan eta, azkenik, % 4,8 Bizkaian.
2022KO LEHEN ZAZPI HILABETEEN BALANTZEA
2022ko lehen zazpi hilabeteetan, azalera handietako eta elikadura-kate handietako salmenten indizearen atzerakada % 1,7koa izan da. Jaitsiera hori elikaduran metatutako salmenten % 5,7ko jaitsierak eragin du, uztailera arte metatutako salmentak % 7,1 igo baitira gainerako produktuetan.
Aurten orain arte izan den aldakuntza metatua negatiboa izan da hiru lurralde historikoetan: Gipuzkoan % 3,5, Araban % 3,2 eta, azkenik, Bizkaian % 0,2.
Euskal AEko azalera handietako eta elikadura-kate handietako landunen kopurua % 0,2 hazi da 2021eko uztailaren aldean. Hilabete arteko datuei dagokienez, langileen indizeak % 0,5 egin du gora.
INFORMAZIO-OHARRA
Urte arteko aldakuntzak egutegi-efektuen serie zuzenduetatik eta hilabete arteko aldaketetatik abiatuta kalkulatzen dira, urtaro-eraginik gabeko serieak oinarri hartuta.
Eustatek eskerrak eman nahi dizkie merkataritza-indizea egiten lagundu duten azalera handietako eta elikadura-kate handietako establezimendu guztiei. Horiei esker, 2022ko uztaileko indizea % 97,4ko estaldurarekin kalkulatu da.
Argibide gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62