2022/07/27ko prentsa-oharra
IKERKETA ZIENTIFIKOKO ETA GARAPEN TEKNOLOGIKOKO JARDUEREI BURUZKO ESTATISTIKA – I+G. Aurrerapena, 2021
Euskal AEko barne I+Gko gastua % 10,4 hazi zen 2021ean
I+Gko langileak, dedikazio osoko baliokidetzan, % 6,7 hazi ziren
Ikerketa Zientifikoko eta Garapen Teknologikoko (I+G) jardueren gastua % 10,4 handitu zen Euskal AEn 2021ean, Eustatek landutako behin-behineko emaitzen arabera. Era berean, dedikazio osoko baliokidetzan I+Gko langile guztien kopurua % 6,7 hazi ziren.
I+Gko langileen eta gastuaren zifra horiek bertako egikaritze-sektoreek izan duten portaeran oinarritzen dira:
Sektore nagusiak —enpresak— % 11,5 egin zuen gora barne-gastuan, eta % 8,3 I+Gko jardueretarako langileenak.
Goi-mailako irakaskuntzan gastua % 3,2 hazi zen eta I+Gko langileena % 1,7.
Azkenik, Administrazio Publikoaren sektorean, gastua % 18,7 handitu zen eta I+Gn lan egiten zuten langileak % 11,3.
I+Gko gastuaren eta dedikazio osoko langileen aldaketa, egikaritze-sektorearensektorearen arabera. Euskal AErkidegoa. Aurrerapena. 2021
| | 2021/2020 (%) |
| | I+Gko gastua | Langileak (DOB) |
| Guztira | 10,4 | 6,7 |
| | | |
| Enpresak eta IAGEP | 11,5 | 8,3 |
| Herri-administrazioa | 18,7 | 11,3 |
| Goi-mailako irakaskuntza | 3,2 | 1,7 |
Data 2022ko Uztailaren 27a
Iturria: Eustat Ikerketa zientifikoko eta garapen teknologikoko jarduerei buruzko estatistika
BPGd-ari dagokionez, Euskal AEko barneko I+Gko gastua 2020an % 2,08 izatetik 2021ean % 2,13 izatera igaro zen.
Metodologiari buruzko oharra:
Eustatek I+Gko gastuek eta langileek 2021ean izan zuten bilakaerari buruzko Datuen Aurrerapena egin du. Horretarako, aurreko urtean lortutako gastu osoaren % 89,6 suposatu zuten enpresak, goi-mailako irakaskuntza eta administrazio publikoa hartu dira kontuan, eta aurtengo azaroan behin betiko aurkeztuko diren emaitzen aurrerapena uztailera aurreratzeko aukera eman dute.
Argibide gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea 1, 01010 Vitoria-Gasteiz
Prentsa-zerbitzua: servicioprensa@eustat.es Tel.: 945 01 75 62