2022/09/23ko prentsa-oharra
INDUSTRIA PREZIOEN INDIZEA. 2022KO ABUZTUA
Euskal AEko industriako prezioek % 1,0 egin dute behera 2022ko abuztuan, aurreko hilaren aldean
2021eko abuztuarekin alderatuta, industriako prezioek % 21,3 egin dute gora
Eustaten datuen arabera, Euskal AEko industriako prezioek % 1,0 egin dute behera 2022ko abuztuan, aurreko hilaren aldean. Abuztuko urte arteko tasa, azken hamabi hilabeteetan industria-prezioek izandako aldakuntza laburbiltzen duena, % 21,3koa izan da.
Azterketa xeheago batek agerian uzten du ezen, 2022ko abuztuan, sektore hauek izan dituztela hazkunderik handienak: Erauzketa-industriak (% 1,5), Industria kimikoa (% 1,0) eta Farmazia-produktuen fabrikazioa (% 0,7). Prezioetako hil arteko jaitsierarik handienak, aldiz, honako sektore hauek izan dituzte: Kokeriak eta petrolioa fintzea (% 5,4 behera), Ehungintza, jantzigintza, larrugintza eta zapatagintza (% 1,1 behera) eta Metalurgia eta metalezko produktuak (% 1,0ko jaitsiera).
Ondasunen helburu ekonomikoaren araberako sailkapenari jarraituz, 2022ko uztailaren aldean prezioek izan dituzten aldakuntza guztiak negatiboak izan dira, Ekipo-ondasunetan izan ezik, horietan % 0,2ko igoera izan baita. Energiaren prezioak % 3,0 jaitsi dira, Bitarteko ondasunenak % 0,6, eta Kontsumo-ondasunenak % 0,2 orotara, ezen Kontsumo-ondasun ez-iraunkorren prezioak % 0,2 jaitsi dira, eta Kontsumo-ondasun iraunkorrak berean mantendu (% 0,0).
Urte arteko terminoetan, 2022ko abuztuan 2021eko abuztuaren aldean, prezio-hazkunderik handienak honako adar hauetan izan dira: Kokeriak eta petrolioa fintzea (% 57,4ko igoera), Energia elektrikoa, gasa eta lurruna (% 43,3ko igoera) eta Industria kimikoa (% 29,8ko igoera). Prezioetan igoera txikiena izan duten sektoreak hauek izan dira: Ehungintza, jantzigintza, larrugintza eta zapatagintza (% 1,3 gora) eta Garraio-materialaren fabrikazioa (% 2,8).
Helburu ekonomikoaren araberako ondasun-talde handien prezioen urte arteko aldakuntza positiboa izan da guztietan: Energiaren prezioak % 51,2 igo dira, Bitarteko ondasunenak % 17,3 eta Ekipo-ondasunenak % 5,0. Kontsumo-ondasunek, oro har, % 10,4ko hazkundea izan dute, Kontsumo-ondasun ez-iraunkorren prezioak % 11,5 igo direlako, eta Kontsumo-ondasun iraunkorrenak % 3,9.
Euskal AEko Industria prezioen indizea. Aldakuntza-tasak (p). Abuztua 2022
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 133,2 | -1,0 | 21,3 |
| | | | |
| SEKTORE-BANAKETA | | | |
| Ateratze-industriak | 111,7 | 1,5 | 7,2 |
| Manufaktura-industria | 129,1 | -1,2 | 17,7 |
| Elikaduraren, edarien eta tabakoaren industria | 120,4 | -0,1 | 12,7 |
| Ehungintza, jantzigintza, larrugintza eta zapatagintza | 101,5 | -1,1 | 1,3 |
| Zurgintza, papera eta arte grafikoak | 136,5 | -0,1 | 24,0 |
| Kokeak eta petrolioa fintzen | 174,0 | -5,4 | 57,4 |
| Industria kimikoa | 154,9 | 1,0 | 29,8 |
| Botiken fabrikazioa | 123,7 | 0,7 | 11,5 |
| Kautxu eta plastikoa, beste produktu mineral ez-metalezkoak | 109,4 | 0,0 | 8,9 |
| Metalurgia eta produktu metalikoak | 138,9 | -1,0 | 18,7 |
| Informatikako, elektronikako eta optikako produktuen fabrikazioa | 119,8 | -0,8 | 4,7 |
| Material eta ekipo elektrikoen fabrikazioa | 112,8 | 0,0 | 5,0 |
| Beste inon sailkatu gabeko makineriaren eta ekipoen fabrikazioa | 109,5 | -0,1 | 4,0 |
| Garraiorako materialen fabrikazioa | 105,6 | 0,3 | 2,8 |
| Altzariak, beste manufaktura-ind., konponketa eta instalazioa | 111,7 | 0,6 | 2,9 |
| Energia elektrikoa, gasa eta lurruna | 158,9 | -0,1 | 43,3 |
| Ura | 121,9 | -0,3 | 9,0 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 118,9 | -0,2 | 10,4 |
| Kontsumoondasun iraunkorrak | 110,7 | 0,0 | 3,9 |
| Kontsumoondasun ez-iraunkorrak | 120,3 | -0,2 | 11,5 |
| Ekipo-ondasunak | 112,7 | 0,2 | 5,0 |
| Bitarteko ondasunak | 130,9 | -0,6 | 17,3 |
| Energia | 170,1 | -3,0 | 51,2 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2022ko Irailaren 23a
Iturria: Eustat. Industria Prezioen Indizea
INFORMAZIO OHARRA
Eustatek eskerrak ematen dizkie egindako ahaleginagatik lagundu duten establezimendu guztiei. Haiei esker, abuztuko indizea laginaren % 92,73ko estaldurarekin kalkulatu da, eta horren informazioa abuztuan eta irailean jaso da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62