2022/10/28ko prentsa-oharra
MERKATARITZA INDIZEA AZALERA HANDIETAN ETA ELIKADURA KATE HANDIETAN. 2022KO IRAILA
Euskal AEko azalera handietako eta elikadura-kate handietako salmentak % 0,4 jaitsi dira irailean
Abuztuarekin alderatuta, salmentak % 0,5 jaitsi dira
Eustaten datuen arabera, eta aurreko urteko hil beraren aldean, Euskal AEko azalera handietako eta elikadura-kate handietako salmentek % 0,4 egin dute behera 2022ko irailean, prezio konstanteetan eta lan-egutegiko baldintza homogeneotan.
2022ko abuztuarekin alderatuta ere, prezio konstanteetako salmentek % 0,5 egin dute behera, beharrezko urtaro-ondorioak behin kenduta.
Sektoreka erdietsitako indizeak abuztukoekin alderatuta, elikagaien sektorean prezio konstanteetako salmentak % 1,2 jaitsi dira, eta gainerako produktuen sektorean, aldiz, salmentak % 0,9 hazi dira.
Urte arteko terminoetan, 2022ko irailean 2021eko irailaren aldean, prezio konstanteetako salmenten bilakaera negatiboa izan da elikaduran ere, % 3,5 jaitsi baita. Gainerako produktuetan, ordea, salmentak aurreko urteko irailean zenbatutakoak baino % 5,5 gehiago izan dira.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Iraila 2022
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -0,4 | -0,5 | -1,3 |
| Araba/Álava | -1,6 | -1,4 | -2,8 |
| Bizkaia | 2,1 | 1,1 | 0,1 |
| Gipuzkoa | -4,1 | -2,9 | -2,9 |
| | | | |
| INDIZE OROKORRA sektorearen arabera | | | |
| Janariak | -3,5 | -1,2 | -5,0 |
| Gainerako produktuak | 5,5 | 0,9 | 6,5 |
| | | | |
| LANGILERIA-INDIZEA | | | |
| Euskal AE | 3,4 | 1,1 | 2,0 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2022ko Urriaren 28a
Iturria: Eustat. Merkataritza indizea azalera handietan eta elikadura kate handietan (AHEK)
Lurraldeen arabera, 2022ko irailean, azalera handietako eta elikadura-kate handietako salmentak % 4,1 eta % 1,6 jaitsi dira Gipuzkoan eta Araban, hurrenez hurren, urte arteko terminoetan. Bizkaian, aldiz, salmentak % 2,1 hazi dira aurreko urteko irailaren aldean.
2022ko abuztuarekin alderatuta, bilakaera antzekoa da; izan ere, Gipuzkoan eta Araban 2022ko iraileko salmentak % 2,9 eta % 1,4 gutxiago izan dira, hurrenez hurren, eta Bizkaian, berriz, % 1,1 gehiago.
Euskal AEko azalera handietako eta elikadura-kate handietako langile enplegatuak % 3,4 igo dira 2021eko irailaren aldean. Hil artean, langileen indizea % 1,1 igo da.
2022KO BEDERATZI HILETAKO BALANTZEA
2022ko bederatzi hilabeteetako multzoan, Azalera handietako eta elikadura-kate handietako salmenten indizeak % 1,3 egin du behera. Jaitsiera hori elikagaietako salmenta metatuen % 5,0ko jaitsierak eragin du; izan ere, irailera arte metatutako salmentak % 6,5 igo dira gainerako produktuetan.
Aurtengo aldakuntza metatua negatiboa da Gipuzkoan (% 2,9) eta Araban (% 2,8). Bizkaian, aldiz, salmenta metatuak % 0,1 igo dira.
Azkenik, sektoreko landunen indizeak % 2,0ko hazkunde metatua izan du aurtengo lehenengo bederatzi hilabeteetan.
INFORMAZIO OHARRA
Urte arteko aldakuntzak kalkulatzeko, egutegi-eraginik gabeko serie zuzenduak erabiltzen dira, eta hilabete arteko aldakuntzak kalkulatzeko, urtaro-eraginik gabeko serieak.
Eustatek eskerrak ematen dizkie Azalera handietako eta elikadura-kate handietako merkataritza-indizea egiten lagundu duten establezimendu guztiei. Haiei esker, hilabete honetako indizea % 100eko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62