2022/10/24ko prentsa-oharra
INDUSTRIA PREZIOEN INDIZEA. 2022KO IRAILA
Euskal AEko industriako prezioek % 1,4 egin dute gora 2022ko irailean, aurreko hilaren aldean
2021eko irailarekin alderatuta, industria-prezioak % 20,9 igo dira
Eustatek landutako datuen arabera, Euskal AEko industriako prezioek % 1,4 egin dute gora 2022ko irailean, aurreko hilaren aldean. Iraileko urte arteko tasa, azken hamabi hilabeteetan industria-prezioek izandako aldakuntza laburbiltzen duena, % 20,9koa izan da.
Azterketa zehatzago batek agerian uzten du ezen, 2022ko irailean, honako sektore hauek izan dituztela hazkunderik handienak: Energia elektrikoa, gasa eta lurruna (% 9,3 gora), Zuraren, paperaren eta arte grafikoen industria (% 2,9) eta Produktu informatikoen, elektronikoen eta optikoen fabrikazioa eta Elikagaien, edarien eta tabakoaren industria (% 1,1 bietan). Aitzitik, prezioetan hilabete arteko jaitsierarik handienak izan dituzten sektoreak hauek izan dira: Kokeriak eta petrolioa fintzea (% 3,3 behera), Farmaziako produktuen fabrikazioa (% 2,8) eta Ehungintza, jantzigintza, larrugintza eta zapatagintza (% 1,0).
Ondasunen helburu ekonomikoaren araberako sailkapenari jarraituz, 2022ko abuztuarekin alderatuta prezioek izan dituzten aldakuntzek zeinu positiboa izan dute: Energiaren prezioak % 3,3 igo dira, eta Kontsumo-ondasunenak, orotara, % 1,0, Kontsumo-ondasun ez-iraunkorren % 1,0ko igoerak eta Kontsumo-ondasun iraunkorren % 0,6ko igoerak eraginda. Bitarteko ondasunak % 0,5 igo dira, eta Ekipo-ondasunak % 0,3.
Urte arteko terminoetan, 2022ko irailean 2021eko irailaren aldean, prezio-hazkunderik handienak adar hauetan izan dira: Energia elektrikoa, gasa eta lurruna (% 48,6), Kokeriak eta petrolioa fintzea (% 44,7) eta Industria kimikoa (% 30,5). Prezioetan jaitsierarik izan duen sektore bakarra Ehungintza, jantzigintza, larrugintza eta zapatagintza izan da, % 3,5 jaitsi baita.
Helburu ekonomikoaren araberako ondasun-talde handien prezioen urte arteko aldakuntza positiboa izan da guztietan: Energiaren prezioak % 47,7 igo dira, Bitarteko ondasunenak % 18,1 eta Ekipo-ondasunenak % 3,6. Kontsumo-ondasunak, orotara, % 8,4 igo dira, Kontsumo-ondasun ez-iraunkorren prezioak % 9,1 igo direlako eta Kontsumo-ondasun iraunkorren prezioak % 4,4.
Euskal AEko Industria prezioen indizea. Aldakuntza-tasak (p). Iraila 2022
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 135,2 | 1,4 | 20,9 |
| | | | |
| SEKTORE-BANAKETA | | | |
| Ateratze-industriak | 112,6 | 0,8 | 5,2 |
| Manufaktura-industria | 128,9 | -0,2 | 16,1 |
| Elikaduraren, edarien eta tabakoaren industria | 121,6 | 1,0 | 10,7 |
| Ehungintza, jantzigintza, larrugintza eta zapatagintza | 100,4 | -1,0 | -3,5 |
| Zurgintza, papera eta arte grafikoak | 140,4 | 2,9 | 26,8 |
| Kokeak eta petrolioa fintzen | 168,2 | -3,3 | 44,7 |
| Industria kimikoa | 155,7 | -0,2 | 30,5 |
| Botiken fabrikazioa | 120,2 | -2,8 | 9,3 |
| Kautxu eta plastikoa, beste produktu mineral ez-metalezkoak | 109,3 | -0,1 | 8,9 |
| Metalurgia eta produktu metalikoak | 139,2 | 0,2 | 19,3 |
| Informatikako, elektronikako eta optikako produktuen fabrikazioa | 120,8 | 1,0 | 5,5 |
| Material eta ekipo elektrikoen fabrikazioa | 112,8 | 0,0 | 5,0 |
| Beste inon sailkatu gabeko makineriaren eta ekipoen fabrikazioa | 109,6 | 0,1 | 4,0 |
| Garraiorako materialen fabrikazioa | 106,2 | 0,6 | 0,3 |
| Altzariak, beste manufaktura-ind., konponketa eta instalazioa | 112,1 | 0,3 | 3,0 |
| Energia elektrikoa, gasa eta lurruna | 173,7 | 9,3 | 48,6 |
| Ura | 121,5 | -0,3 | 9,0 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 120,1 | 1,0 | 8,4 |
| Kontsumoondasun iraunkorrak | 111,5 | 0,6 | 4,4 |
| Kontsumoondasun ez-iraunkorrak | 121,5 | 1,0 | 9,1 |
| Ekipo-ondasunak | 113,0 | 0,3 | 3,6 |
| Bitarteko ondasunak | 131,6 | 0,5 | 18,1 |
| Energia | 175,7 | 3,3 | 47,7 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2022ko Urriaren 24a
Iturria: Eustat. Industria Prezioen Indizea
INFORMAZIO OHARRA
Eustatek eskerrak eman nahi dizkie egindako ahaleginagatik lagundu duten establezimendu guztiei. Haiei esker, iraileko indizea laginaren % 93,91ko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62