2022/11/15eko prentsa-oharra
ZERBITZUEN KOIUNTURA INDIZEA. MERKATARITZA. III/2022
Euskal AEko Merkataritza-sektoreko salmentak % 0,4 jaitsi dira 2022ko hirugarren hiruhilekoan
Urteko bigarren hiruhilekoaren aldean, sektore honetako salmentak % 1,4 gutxitu dira
Merkataritzaren sektorean (hau da, Handizkako merkataritza, Txikizkako merkataritza eta Ibilgailu motordunen salmenta eta konponketa) % 0,4 jaitsi dira salmentak urte artean, prezio konstanteetan eta behin kenduta egutegi-eraginak, 2022ko hirugarren hiruhilekoan, Eustatek landutako datuen arabera.
Aurreko hiruhilekoarekin alderatuta, eta urtaro-ondorioak kenduta, salmentak % 1,4 jaitsi dira 2022ko hirugarren hiruhilekoan.
Merkataritzaren barruan, salmenten urte arteko bilakaera askotarikoa izan da sektore horretako adarretan. Halatan, Txikizkako merkataritzaren barruan, salmentak % 0,9 igo dira, eta Handizkako merkataritzaren salmentak berean mantendu dira (% 0,0). Aitzitik, Ibilgailu motordunen salmenta eta konponketaren adarreko salmentak % 8,7 jaitsi dira 2021eko hirugarren hiruhilekoarekin alderatuta.
Aurreko hiruhilekoaren aldean, Handizkako merkataritzan eta Ibilgailu motordunen salmenta eta konponketan salmentak % 0,9 eta % 0,1 jaitsi dira, hurrenez hurren. Txikizkako merkataritzaren adarrean, ordea, salmentak egonkor mantendu dira (% 0,0) hiruhileko artean.
Euskal AEko zerbitzuen koiuntura-indizea. Merkataritza. Behin-behineko datuak. 2022/III
| | Prezio finkoak |
| | t / t-4 | t / t-1 | A (t) / A (t-4) |
| INDIZE OROKORRA | -0,4 | -1,4 | 3,2 |
| Ibilgailu motordunen salmenta eta konponketa | -8,7 | -0,1 | -8,7 |
| Handizkako merkataritza | 0,0 | -0,9 | 4,8 |
| Txikizkako merkataritza | 0,9 | 0,0 | 3,7 |
| | | | |
| LURRALDE HISTORIKOAK | | | |
| Araba/Álava | -1,5 | -2,0 | 1,7 |
| Bizkaia | 0,6 | -1,6 | 4,7 |
| Gipuzkoa | -1,2 | -0,8 | 1,6 |
| | | | |
| EMPLEGUA | 0,9 | 0,5 | 1,6 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2022ko Azaroaren 15a
Iturria: Eustat. Zerbitzuen kountura-indizea
Lurraldeen arabera, Merkataritzaren sektorean oro har, Bizkaian % 0,6 igo dira, urte arteko terminoetan, prezio konstanteetako salmentak urteko hirugarren hiruhilekoan; Araban eta Gipuzkoan, berriz, % 1,5 eta % 1,2 jaitsi dira, hurrenez hurren.
2022ko bigarren hiruhilekoarekin alderatuta, salmentak jaitsi egin dira hiru lurraldeetan. Hala, Araban hiruhileko arteko jaitsiera % 2,0koa izan da, Bizkaian % 1,6koa eta, azkenik, Gipuzkoan % 0,8koa.
Euskal AEko Merkataritzaren sektoreko landunen indizea % 0,9 igo da 2022ko hirugarren hiruhilekoan, 2021eko hirugarren hiruhilekoarekin alderatuta. Urteko bigarren hiruhilekoarekin alderatuta, enplegua % 0,5 hazi da.
INFORMAZIO OHARRA
Eustatek eskerrak eman nahi dizkie zirkunstantziak gorabehera egindako ahaleginagatik lagundu duten establezimendu guztiei. Haiei esker, hiruhileko honetako indizea % 96,0ko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62