2022/11/16ko prentsa-oharra
ZERBITZUEN KOIUNTURA INDIZEA. BESTE MERKATU ZERBITZU BATZUK. III/2022
Salmentek Euskal AEko Merkatu-zerbitzuen sektorean % 11,8 egin dute gora, 2022ko hirugarren hiruhilekoan
Ostalaritza eta Garraioa eta biltegiratzea dira hazkundearen buru (% 19,5 eta % 17,6, hurrenez hurren)
Euskal AEko Beste merkatu zerbitzu batzuk sektorean salmentek % 11,8 egin dute gora 2022ko hirugarren hiruhilekoan, aurreko urteko hiruhileko beraren aldean, prezio finkoetan eta egutegiko ondorioak alde batera utzi ondoren, Eustaten datuen arabera. Sektore horretan, Ostalaritza, Garraioa eta biltegiratzea, Informazioa eta komunikazioak eta Enpresentzako zerbitzu-jarduerak sektoreek eskainitako zerbitzuak kontabilizatzen dira.
Aurreko hiruhilekoarekin alderatuta, prezio finkoetan eta urtaroko ondorioak alde batera utzi ondoren, salmentek % 1,0 egin dute gora, 2022ko hirugarren hiruhilekoan.
Beste merkatu zerbitzu batzuk sektorean, benetako salmenten urte arteko berreskurapena (prezio finkoetan) orokortua izan da urteko hirugarren hiruhilekoan, Jarduera profesionalak, zientifikoak eta teknikoak sektorean izan ezik, % 0,6 egin batitute behera. Salmentek gora egin dute, 2021eko hirugarren hiruhilekoarekin alderatuta, honako sektore hauetan: Ostalaritza (% 19,5), Garraioa eta biltegiratzea (% 17,6), Administrazio-jarduerak eta zerbitzu osagarriak (% 10,4) eta, azkenik, Informazioa eta komunikazioak (% 6,7).
2022ko bigarren hiruhilekoarekin alderatuta, igoera ikusi da, era berean, sektore guztien salmentetan, Ostalaritzan izan ezik, % 2,9 egin baitu behera. Hala, salmentek % 1,5 egin dute gora hiruhilekoen arteko terminoetan Garraioa eta biltegiratzea sektorean, % 0,9 Administrazio-jarduerak eta zerbitzu osagarriak sektorean, % 0,5 Jarduera profesionalak, zientifikoak eta teknikoak sektorean eta, azkenik, % 0,4 Informazio eta komunikazioetan.
Euskal AEko zerbitzuen koiuntura-indizea. Beste merkatu zerbitzu batzuk. Behin-behineko datuak. 2022/III
| | Prezio finkoak |
| | Indizea | t / t-4 | At / A(t-4) |
| INDIZE OROKORRA | 11,8 | 1,0 | 13,2 |
| Garraioa eta biltegiratzea | 17,6 | 1,5 | 17,7 |
| Ostalaritza | 19,5 | -2,9 | 31,5 |
| Informazioa eta komunikazioak | 6,7 | 0,4 | 6,3 |
| Jarduera profesionalak, zientifikoak eta teknikoak | -0,6 | 0,5 | -1,5 |
| Administrazio jarduerak eta zerbitzu lagungarriak | 10,4 | 0,9 | 11,5 |
| | | | |
| LURRALDE HISTORIKOAK | | | |
| Araba/Álava | 11,0 | 2,2 | 13,0 |
| Bizkaia | 11,9 | 0,3 | 14,3 |
| Gipuzkoa | 11,9 | 1,7 | 11,3 |
| | | | |
| EMPLEGUA | -0,4 | -0,1 | 0,2 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2022ko Azaroaren 16a
Iturria: Eustat. Zerbitzuen kountura-indizea
Lurralde historikoen arabera, Bizkaian eta Gipuzkoan % 11,9ko urte arteko igoera izan da salmenten indizean eta, Araban, % 11,0koa. Aurreko hiruhilekoarekin alderatuta, igoera izan da, era berean, hiru lurraldeetako salmentetan: Araban, % 2,2; Gipuzkoan, % 1,7, eta Bizkaian, % 0,3.
Euskal AEn zerbitzu horietan lanean ari diren langileen indizeak behera egin du % 0,4 2022ko hirugarren hiruhilekoan, urte arteko terminoetan, eta % 0,1, hiruhilekoen artekoan.
INFORMAZIO-OHARRA
Eustatek eskerrak eman nahi dizkie elkarlanean jardun duten establezimendu guztiei, egin duten ahaleginagatik, egoerak ezohikoak izan badira ere. Haiei esker, hiruhileko honetako indizea % 94,1eko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62