2023/02/14ko prentsa-oharra
ZERBITZUEN KOIUNTURA INDIZEA. MERKATARITZA. 2022/IV
Euskal AEko merkataritzaren sektoreko salmentek % 3,0ko igoera izan dute 2022. urte osoan
2022ko laugarren hiruhilekoan, salmentek % 2,1eko igoera izan dute 2021eko hiruhileko berarekin alderatuta
Eustatek landutako datuen arabera, 2022. urte osoan Merkataritzaren sektoreko salmentek % 3,0ko igoera izan dute prezio konstanteetan, 2021. urtearekin alderatuta. Urte osoko bilakaera positiboa izan da handizkako merkataritzan zein txikizkako merkataritzan (salmentek % 4,8ko eta % 2,9ko igoerak izan dituzte urtean, hurrenez hurren). Ibilgailu motordunen salmenta eta konponketa azpisektorean, berriz, 2022an metatutako salmentak 2021ekoak baino % 7,4 txikiagoak izan dira.
Merkataritzaren sektorean, salmentek hiru lurralde historikoetan egin dute gora 2022. urtean. Bizkaian, 2021. urtearekin alderatuta, igoera % 4,6ra iritsi da, Araban % 1,7ra, eta Gipuzkoan, azkenik, % 1,2ra.
2022ko laugarren hiruhilekoko datuak soilik aztertuta ikus daitekeenez, Merkataritzaren sektoreko salmentek % 2,1eko igoera izan dute 2021eko laugarren hiruhilekoarekin alderatuta, egutegi-ondorioak zuzendu ondoren eta prezio konstanteetan. Aurreko hiruhilekoarekin alderatuta eta bidezko urtaro-ondorioak kenduta, salmentek % 1,2ko igoera izan dute 2022ko laugarren hiruhilekoan.
Merkataritzaren barruan, salmenten urtetik urterako bilakaera positiboa izan da Handizkako merkataritzaren azpisektorean zein Txikizkako merkataritzaren azpisektorean (salmentak aurreko urteko azken hiruhilekokoak baino % 4,6 eta % 2,8 handiagoak izan dira, hurrenez hurren). Aitzitik, Ibilgailuen salmenta eta konponketa azpisektorean, salmentak 2021eko laugarren hiruhilekokoak baino % 3,8 txikiagoak izan dira, prezio konstanteetan eta egutegi-ondorioak zuzendu ondoren.
Aurreko hiruhilekoarekin alderatuta, bidezko urtaro-ondorioak kenduta, salmentek gora egin dute Handizkako merkataritzan zein Ibilgailu motordunen salmentan eta konponketan (% 0,7ko eta % 0,5eko igoera hiruhilekotik hiruhilekora, hurrenez hurren). Txikizkako merkataritzaren azpisektorean, berriz, salmentek % 0,1eko beherakada izan dute aurreko hiruhilekoarekin alderatuta.
Euskal AEko zerbitzuen koiuntura-indizea. Merkataritza. Behin-behineko datuak. 2022/IV
| | Prezio finkoak |
| | t / t-4 | t / t-1 | A (t) / A (t-4) |
| INDIZE OROKORRA | 2,1 | 1,2 | 3,0 |
| Ibilgailu motordunen salmenta eta konponketa | -3,8 | 0,5 | -7,4 |
| Handizkako merkataritza | 4,6 | 0,7 | 4,8 |
| Txikizkako merkataritza | 0,3 | -0,1 | 2,9 |
| | | | |
| LURRALDE HISTORIKOAK | | | |
| Araba/Álava | 0,7 | 1,3 | 1,7 |
| Bizkaia | 4,3 | 1,8 | 4,6 |
| Gipuzkoa | -0,6 | 0,1 | 1,2 |
| | | | |
| EMPLEGUA | 1,3 | 0,2 | 1,6 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2023ko Otsailaren 14a
Iturria: Eustat. Zerbitzuen kountura-indizea
Lurralde historikoak kontuan hartuta, Merkataritzaren sektore osoan salmentek gora egin dute urtetik urtera Bizkaian eta Araban, prezio konstanteetan. Zehazki, % 4,3ko eta % 0,7ko igoerak izan dira, hurrenez hurren. Gipuzkoan, berriz, salmentek % 0,6ko beherakada izan dute.
2022ko hirugarren hiruhilekoarekin alderatuta, salmentek gora egin dute hiru lurraldeetan. Zehazki, Bizkaiak % 1,8ko igoera izan du aurreko hiruhilekoarekin alderatuta, Arabak % 1,3koa, eta Gipuzkoak, berriz, % 0,1ekoa.
Euskal AEko Merkataritzaren sektorean diharduten langileen indizeak % 1,3ko igoera izan du 2022ko laugarren hiruhilekoan, 2021eko laugarren hiruhilekoarekin alderatuta. Urteko hirugarren hiruhilekoarekin alderatuta, berriz, igoera % 0,2ra iritsi da.
INFORMAZIO-OHARRA
Eustatek eskerrak eman nahi dizkie lagundu duten establezimendu guztiei, aparteko zirkunstantzietan egindako ahaleginagatik. Haiei esker, laugarren hiruhilekoko indizea % 95,6ko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62