2023/03/31ko prentsa-oharra
KANPO MERKATARITZAREN UNITATE BALIOAREN INDIZEAK-UBI. IV/2022
2022ko laugarren hiruhilekoan, esportazioen prezioak % 8,6 igo ziren
Inportazioek % 8,3ko igoera izan zuten prezioetan
2022ko laugarren hiruhilekoan, esportazioen prezioak % 8,6 igo dira 2022ko hirugarren hiruhilekoarekin alderatuta, Eustatek landutako datuen arabera. Alderaketa aurreko urteko hiruhileko berarekin egiten badugu, 2021eko laugarrenarekin alegia, % 7,2ko gorakada izan da.
Inportazioen prezioek norabide berari jarraitzen diote: % 8,3 igo dira hiruhileko batetik bestera, eta % 10,0 2021eko laugarren hiruhilekoarekin alderatuta.
Esportazio energetikoen prezioak % 4,6 igo ziren aurreko hiruhilekoaren aldean, eta ez-energetikoenak % 8,6. Aurreko urtearen aldean, ondasun energetikoen prezioak % 3,9 igo dira, eta ez-energetikoenak % 6,7.
Inportazioen kasuan, produktu energetikoen prezioen indizea % 7,1 hazi zen, hiruhileko arteko tasan, eta ez-energetikoena % 9,1. Urte arteko alderaketan, prezio energetikoek nabarmen egin dute aurrera, % 26,3, eta ez-energetikoen kasuan, berriz, % 6,5ekoa izan da igoera.
Euskal AEko kanpo-merkataritzako balio bateratuaren indizeak, helburu ekonomikoaren arabera (%). 2022/IV
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 8,6 | 7,2 | 8,3 | 10,0 |
| | | | | |
| Energiazko gaiak | 4,6 | 3,9 | 7,1 | 26,3 |
| Energiazkoak ez diren gaiak | 8,6 | 6,7 | 9,1 | 6,5 |
| Kontsumo-ondasunak | 7,6 | 11,2 | 6,9 | -3,5 |
| Kapital-ondasunak | 7,1 | 5,4 | 5,1 | 4,4 |
| Bitarteko ondasunak | 9,3 | 6,5 | 8,7 | 11,9 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2023ko Martxoaren 31a
Oinarria: Eustat. Kanpo-merkataritzaren unitate balioaren indizeak-UBI
Ondasunen helburu ekonomikoaren araberako sailkapenari jarraituz, esportazioen prezioak igo egin dira hiru sektoreetan: Bitarteko ondasunak % 9,3 hazi dira, Kontsumo-ondasunak % 7,6 eta Kapital-ondasunak % 7,1. Era berean, aurreko urtearen aldean, Kontsumo-ondasunen (% 11,2), Bitarteko ondasunen (% 6,5) eta Kapital-ondasunen (% 5,4) esportazioen prezioek gora egin dute.
Arreta inportazioetan jarrita, ikusten da ezen, 2022ko hirugarren hiruhilekoarekin alderatuta, Kontsumo-ondasunek % 6,9ko igoera izan dutela, baina urte arteko alderaketan sektore bakarra da zeinetan prezioak jaitsi diren, % 3,5 zehazki. Bestalde, beste bi ondasun motak, Bitarteko ondasunak eta Kapital-ondasunak, % 8,7 eta % 5,1 igo dira, hurrenez hurren, aurreko hiruhilekoaren aldean, eta % 11,9 eta % 4,4, hurrenez hurren, aurreko urtearekiko.
Esportazioek xede dituzten eremu ekonomikoak kontuan harturik, prezioak igo egin ziren 2022ko hirugarren hiruhilekoarekin alderatuta eremu guztietan. ELGAn % 9,1 igo dira, EB-28an eta Euro eremuan % 7,9 eta % 7,4, hurrenez hurren, eta Munduko gainerakoan % 6,4. Aurreko urteko hiruhileko berarekin alderatuta, joera errepikatu egin da: prezioek igoera handiak izan dituzte eremu ekonomiko guztietan, eta nabarmentzekoak dira ELGA (% 7,4) eta Munduko gainerakoa (% 6,5); gainerako eremuak atzetik daude, tarte txikiarekin; hala, EB-28ak % 6,0ko hazkunde-tasa izan du, eta Euro eremuak % 5,4koa.
Euskal AEko kanpo-merkataritzako balio bateratuaren indizeak, arlo ekonomikoen arabera (%). 2022/IV
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 8,6 | 7,2 | 8,3 | 10,0 |
| | | | | |
| Euro eremua | 7,4 | 5,4 | 6,8 | 7,5 |
| EB-28 | 7,9 | 6,0 | 4,9 | 5,2 |
| ELGE | 9,1 | 7,4 | 6,1 | 8,3 |
| Munduko besteak | 6,4 | 6,5 | 13,3 | 13,0 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2023ko Martxoaren 31a
Oinarria: Eustat. Kanpo-merkataritzaren unitate balioaren indizeak-UBI
Inportazioei doakienez, eremu geografiko guztiek prezio-igoerak izan dituzte aurreko hiruhilekoarekin alderatuta, eta igoera horiek Munduko gainerakoan nabarmendu dira (% 13,3). Aurreko urteko hiruhileko berarekin alderatuta, tasak positiboak dira eremu ekonomiko guztietan ere, eta berriz ere Munduko gainerakoa (% 13,0) eta ELGA (% 8,3) aise nabarmendu dira.
Informazio gehigorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62