2023/03/27ko prentsa-oharra
MERKATARITZA INDIZEA AZALERA HANDIETAN ETA ELIKADURA KATE HANDIETAN. 2023KO OTSAILA
Euskal AEko azalera handietako eta elikadura-kate handietako salmentek % 0,6 egin dute behera, 2023ko otsailean
Aurreko hilarekin alderatuta, 2023ko urtarrilarekin, salmentek % 1,0 egin dute behera
Euskal AEko merkataritza-azalera handietako eta elikadura-kate handietako salmentek, 2023ko otsailean, % 0,6ko jaitsiera izan dute, aurreko urteko hil berarekin alderatuta, prezio finkoetan eta lan-egutegiko baldintza homogeneoetan, Eustatek emandako datuen arabera.
Aurreko hilarekin alderatuta, 2023ko urtarrilarekin, eta urtaro-eragin egokiak kenduta, prezio finkoetako salmentek % 1,0 egin dute behera otsailean.
Hilen arteko terminoetan, salmentek behera egin dute sektore bietan, bai Elikaduran bai Gainerako produktuetan, % 0,5 eta % 1,8, hurrenez hurren.
Urte arteko terminoetan, 2023ko otsailean, 2022ko otsailaren aldean, prezio finkoetako salmenten bilakaera negatiboa izan da bi sektoreetan; Elikaduran beherakada % 0,4koa izan da eta Gainerako produktuetan, % 1,0ekoa.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Otsaila 2023
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -0,6 | -1,0 | 0,9 |
| Araba/Álava | -6,1 | -2,2 | -3,4 |
| Bizkaia | 0,5 | -1,4 | 2,5 |
| Gipuzkoa | -0,1 | 0,3 | 0,0 |
| | | | |
| INDIZE OROKORRA sektorearen arabera | | | |
| Janariak | -0,4 | -0,5 | -0,8 |
| Gainerako produktuak | -1,0 | -1,8 | 4,0 |
| | | | |
| LANGILERIA-INDIZEA | | | |
| Euskal AE | 4,0 | 0,1 | 3,8 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2023ko Martxoaren 27a
Iturria: Eustat. Merkataritza indizea azalera handietan eta elikadura kate handietan (AHEK)
Merkataritza-azalera handietako eta elikadura-kate handietako salmentek gora egin dute % 0,5 Bizkaian, urte arteko terminoetan, 2023ko otsailean. Arabaren eta Gipuzkoaren kasuan, berriz, % 6,1 eta % 0,1 egin dute behera, hurrenez hurren, prezio finkoetan eta lan-egutegiko termino homogeneoetan.
2023ko urtarrilaren aldean, alegia, hilen arteko terminoetan, salmentek % 0,3 egin dute gora Gipuzkoan, eta, Araban eta Bizkaian, berriz, % 2,2 eta % 1,4 behera, hurrenez hurren.
Euskal AEko merkataritza-azalera handietako eta elikadura-kate handietako landun kopuruak % 4,0 egin du gora, 2022ko otsailarekin alderatuta. Hilen arteko terminoetan, azkenik, pertsonalaren indizeak % 0,1 egin du gora.
INFORMAZIO-OHARRA
Urte arteko aldakuntzak kalkulatzeko, egutegi-eraginik gabeko serie zuzenduak erabiltzen dira, eta, hil arteko aldakuntzak kalkulatzeko, urtaro-eraginik gabeko serieak.
Eustatek eskerrak eman nahi dizkie azalera handietan eta elikadura-kate handietan merkataritza-indizea prestatzen elkarlanean jardun duten establezimendu guztiei. Haiei esker, hilabete honetako indizea % 100eko estaldurarekin kalkulatu da.
Argibide gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62