2023/04/19ko prentsa-oharra
INDUSTRIA PREZIOEN INDIZEA. 2023KO MARTXOA
Euskal AEko industria-prezioek % 2,1 egin dute behera 2023ko martxoan, aurreko hilabetearen aldean
2022ko martxoaren aldean, industria-prezioek % 0,7ko igoera izan dute
Euskal AEko industria-prezioek % 2,1 egin dute behera 2023ko martxoan, aurreko hilaren aldean, Eustatek dituen datuen arabera. Martxoko urte arteko tasa –azken hamabi hiletako industria-prezioen aldakuntza jasotzen du– positiboa da oraindik, % 0,7koa.
Analisi zehatzago batek erakusten du 2023ko martxoan prezioetan aurreko hilaren aldean jaitsiera nabarmenenak izan dituzten sektoreak honako hauek izan direla: Energia elektrikoa, gasa eta lurruna (% 13,9ko jaitsiera), Informatikako, elektronikako eta optikako produktuen fabrikazioa (% 2,1) eta Kokeriak eta petrolio-fintzea (% 1,7). Prezioetan hilen arteko hazkuntza nabarmenenak izan dituzten sektoreak, ordea, honako hauek izan dira: Garraio-materialaren fabrikazioa (% 4), Ehungintza, jantzigintza, larrugintza eta zapatagintza (% 0,9) eta Kautxua, plastikoa eta beste produktu mineral ez-metalezko batzuk (% 0,6).
Ondasunen helburu ekonomikoaren araberako sailkapenari jarraikiz, 2023ko otsailaren aldean, Energiak behera egin du prezioetan (% 8,9), eta Kontsumo-ondasunek % 0,2. Azken horien kasuan, jaitsiera honako sektore hauen beherakadaren ondorio izan da: Kontsumo iraunkorreko ondasunak (% 1,1) eta Kontsumo ez-iraunkorreko ondasunak (% 0,1). Bestalde, Ekipo-ondasunek % 1,7ko igoera izan dute, eta Tarteko ondasunek % 0,2ko igoera.
Urte arteko terminoetan, 2023ko martxoan, 2022ko martxoaren aldean, prezioen hazkuntza handienak honako adar hauetan izan dira: Zuraren, paperaren eta arte grafikoaren industria (% 17,3), Erauzketa-industriak (% 15,0), Elikaduraren, edarien eta tabakoaren industria (% 14,3), Kautxua, plastikoa eta beste produktu mineral ez-metalezko batzuk (% 13,9) eta Ura (% 8,2). Prezioak, urte arteko terminoetan, ordea, negatiboak izan dira Energia elektrikoa, gasa eta lurruna adarrean (% 17,6) eta Kokeriak eta petrolio-fintzea adarrean (% 14,7).
Euskal AEko Industria prezioen indizea. Aldakuntza-tasak (p). Martxoa 2023
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 131,4 | -2,1 | 0,7 |
| | | | |
| SEKTORE-BANAKETA | | | |
| Ateratze-industriak | 127,0 | 0,2 | 15,0 |
| Manufaktura-industria | 130,9 | 0,2 | 4,6 |
| Elikaduraren, edarien eta tabakoaren industria | 133,3 | -0,1 | 14,3 |
| Ehungintza, jantzigintza, larrugintza eta zapatagintza | 104,7 | 0,9 | 1,5 |
| Zurgintza, papera eta arte grafikoak | 148,6 | 0,3 | 17,3 |
| Kokeak eta petrolioa fintzen | 144,5 | -1,7 | -14,7 |
| Industria kimikoa | 151,2 | -1,0 | 6,8 |
| Botiken fabrikazioa | 128,5 | 0,0 | 7,1 |
| Kautxu eta plastikoa, beste produktu mineral ez-metalezkoak | 122,2 | 0,6 | 13,9 |
| Metalurgia eta produktu metalikoak | 140,9 | 0,1 | 6,6 |
| Informatikako, elektronikako eta optikako produktuen fabrikazioa | 120,9 | -2,1 | 2,3 |
| Material eta ekipo elektrikoen fabrikazioa | 115,3 | -0,2 | 2,4 |
| Beste inon sailkatu gabeko makineriaren eta ekipoen fabrikazioa | 114,7 | 0,0 | 5,7 |
| Garraiorako materialen fabrikazioa | 112,7 | 4,0 | 6,9 |
| Altzariak, beste manufaktura-ind., konponketa eta instalazioa | 120,2 | -0,1 | 7,5 |
| Energia elektrikoa, gasa eta lurruna | 134,5 | -13,9 | -17,6 |
| Ura | 130,1 | -0,8 | 8,2 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 129,9 | -0,2 | 12,5 |
| Kontsumoondasun iraunkorrak | 114,7 | -1,1 | 5,3 |
| Kontsumoondasun ez-iraunkorrak | 132,5 | -0,1 | 13,6 |
| Ekipo-ondasunak | 118,3 | 1,7 | 6,5 |
| Bitarteko ondasunak | 136,1 | 0,2 | 8,7 |
| Energia | 142,0 | -8,9 | -16,5 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2023ko Apirilaren 19a
Iturria: Eustat. Industria Prezioen Indizea
Prezioen urte arteko aldakuntza positiboa izan da helmuga ekonomikoaren araberako ondasun-talde handi guztietan, Energian izan ezik, % 16,5 egin baitu behera. Kontsumo-ondasunen prezioek % 12,5 egin dute gora, Kontsumo ez-iraunkorreko ondasunen prezioak % 13,6 igo direlako eta Kontsumo iraunkorreko ondasunenak, % 5,3. Tarteko ondasunen prezioek % 8,7 egin dute gora, eta Ekipo-ondasunenek urte arteko % 6,5eko igoera izan dute.
INFORMAZIO OHARRA
Eustatek eskerrak eman nahi dizkie elkarlanean jardun duten establezimendu guztiei, egin duten ahaleginagatik. Haiei esker, hil honetako indizea laginaren % 88,98ko estaldurarekin kalkulatu da.
Argibide gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62