2023/06/30eko prentsa-oharra
KANPO MERKATARITZAREN UNITATE BALIOAREN INDIZEAK-UBI. 2023/I
2023ko lehen hiruhilekoan, esportazioen prezioek % 6,7 egin dute gora Euskal AEn
Inportazioek % 1,1eko hazkuntza izan dute
2023ko lehen hiruhilekoan, esportazioen prezioek % 6,7 egin dute gora, 2022ko hiruhileko beraren aldean, Eustaten datuen arabera. Aurreko hiruhilekoarekin alderatuta, igoera % 2,6koa izan da.
Inportazioen prezioek joera bera izan dute; izan ere, % 1,1 egin dute gora urte artean, eta % 0,3, 2022ko lehen hiruhilekoaren aldean.
Esportazio “energetikoen” prezioek % 8,3 egin dute gora, aurreko urtearekin alderatuta, eta “ez-energetikoenek”, % 7,3. Aurreko hiruhilekoarekin alderatuta, ondasun “energetikoen” prezioek % 7,7 egin dute gora, eta “ez-energetikoenek”, % 2,9.
Inportazioen kasuan, produktu “energetikoen” prezioen indizeak % 6,1 egin du behera urte arteko tasan, eta “ez-energetikoenak”, % 3,3 gora. Aurreko hiruhilekoarekin alderatuta, prezio “energetikoek” % 1,4 egin dute behera, eta “ez-energetikoek”, % 1,2 gora.
Euskal AEko kanpo-merkataritzako balio bateratuaren indizeak, helburu ekonomikoaren arabera (%). 2023/I
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 2,6 | 6,7 | 0,3 | 1,1 |
| | | | | |
| Energiazko gaiak | 7,7 | 8,3 | -1,4 | -6,1 |
| Energiazkoak ez diren gaiak | 2,9 | 7,3 | 1,2 | 3,3 |
| Kontsumo-ondasunak | 3,3 | 13,2 | 0,0 | -0,1 |
| Kapital-ondasunak | 1,6 | 3,8 | 3,3 | 13,7 |
| Bitarteko ondasunak | 2,5 | 5,8 | 0,1 | 0,4 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2023ko Ekainaren 30a
Oinarria: Eustat. Kanpo-merkataritzaren unitate balioaren indizeak-UBI
Ondasunen helmuga ekonomikoaren araberako sailkapenari dagokionez, Kontsumo-ondasunen, Tarteko ondasunen eta Kapital-ondasunen esportazioen prezioek aurreko urtearekin alderatuta izan duten igoera nabarmentzen da (% 13,2, % 5,8 eta % 3,8, hurrenez hurren). 2022ko laugarren hiruhilekoarekin alderatuta, egiaztatzen da, era berean, prezioek gora egin dutela hiru sektoreetan: Tarteko ondasunek % 2,5 egin dute gora, Kontsumo-ondasunek % 3,3 eta Kapital-ondasunek % 1,6.
Analisia inportazioetara bideratuta, urte arteko konparatiban behera egin duten bakarrak Kontsumo-ondasunen prezioak direla ikusten da (–% 0,1). Aurreko hiruhilekoarekin alderatuta, berriz, % 0,0ko tasa izan dute. Bestalde, beste bi ondasun-motak, Tarteko ondasunak eta Kapital-ondasunak, igo egin dira aurreko urtearekin alderatuta, % 0,4 eta % 13,7, hurrenez hurren, bai eta aurreko hiruhilekoarekin alderatuta ere, % 0,1 eta % 3,3, hurrenez hurren.
Esportazioak zer arlo ekonomikotara bideratzen diren kontuan hartuta, prezioek, aurreko hiruhilekoarekin alderatuta, gora egin dute eremu guztietan. ELGAn % 2,2 egin du gora, EB-28n eta Eurogunean % 2,1 eta Munduko gainerakoan % 4,2. 2022ko lehen hiruhilekoarekin alderatuta, joera errepikatu egin da: igoera esanguratsuak izan dira arlo ekonomiko guztien prezioetan, eta Munduko gainerakoa eta ELGA nabarmentzen dira (% 7,1 eta % 6,7, hurrenez hurren); gainerako eremuak daude ondoren, hurbil. Hala, EB-28k % 5,9ko hazkuntza-tasa izan du eta Euroguneak % 5,5ekoa.
Euskal AEko kanpo-merkataritzako balio bateratuaren indizeak, arlo ekonomikoen arabera (%). 2023/I
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 2,6 | 6,7 | 0,3 | 1,1 |
| | | | | |
| Euro eremua | 2,1 | 5,5 | -0,6 | 3,5 |
| EB-28 | 2,1 | 5,9 | -1,3 | 2,0 |
| ELGE | 2,2 | 6,7 | -0,7 | 0,4 |
| Munduko besteak | 4,2 | 7,1 | 2,9 | 3,3 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2023ko Ekainaren 30a
Oinarria: Eustat. Kanpo-merkataritzaren unitate balioaren indizeak-UBI
Inportazioen kasuan, arlo geografiko guztiek izan dituzte prezioen jaitsierak, aurreko hiruhilekoarekin alderatuta, Munduaren gainerakoak izan ezik, % 2,9 egin baitute gora. Aurreko urteko hiruhileko berarekin alderatuta, tasak positiboak izan dira arlo ekonomiko guztietan, eta Munduko gainerakoa eta Eurogunea nabarmentzen dira (% 3,3 eta % 3,5).
Informazio gehigorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62