2023/09/29ko prentsa-oharra
KANPO MERKATARITZAREN UNITATE BALIOAREN INDIZEAK-UBI. 2023/II
2023ko bigarren hiruhilekoan esportazioen prezioak % 12,3 igo dira Euskal AEn
Inportazioen prezioek % 11,1 egin dute gora
2023ko bigarren hiruhilekoan, esportazioen prezioak % 12,3 igo dira 2022ko hiruhileko beraren aldean, Eustatek landutako datuen arabera. Aurreko hiruhilekoarekin alderatuz gero, % 1,7ko gorakada izan da.
Inportazioen prezioek joera bera izan dute; izan ere, % 11,1 igo dira urtetik urtera, eta % 3,0 2023ko lehen hiruhilekoarekin alderatuta.
Esportazio “energetikoen” prezioak % 9,5 igo dira aurreko urtearen aldean, eta “ez-energetikoenak” % 12,6. Aurreko hiruhilekoaren aldean, ondasun “energetikoen” prezioak % 0,3 igo dira, eta “ez-energetikoenak” % 1,7.
Inportazioen kasuan, produktu “energetikoen” prezioen indizeak % 5,4 egin du gora, urtetik urterako tasan, eta “ez-energetikoenak” % 12,6. Aurreko hiruhilekoarekin alderatuta, prezio “energetikoak” % 9,8 igo dira, eta “ez-energetikoak” % 0,6.
Euskal AEko kanpo-merkataritzako balio bateratuaren indizeak, helburu ekonomikoaren arabera (%). 2023/II
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 1,7 | 12,3 | 3,0 | 11,1 |
| | | | | |
| Energiazko gaiak | 0,3 | 9,5 | 9,8 | 5,4 |
| Energiazkoak ez diren gaiak | 1,7 | 12,6 | 0,6 | 12,6 |
| Kontsumo-ondasunak | 0,4 | 14,3 | 2,6 | 7,3 |
| Kapital-ondasunak | 0,1 | 5,8 | 5,7 | 15,7 |
| Bitarteko ondasunak | 2,7 | 13,7 | 2,8 | 11,1 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2023ko Irailaren 29a
Oinarria: Eustat. Kanpo-merkataritzaren unitate balioaren indizeak-UBI
Ondasunen helburu ekonomikoaren araberako sailkapenari jarraituz, Kontsumo-ondasunen (% 14,3), Bitarteko ondasunen (% 13,7) eta Kapital-ondasunen (% 5,8) esportazioen prezioek gora egin dute aurreko urtearen aldean. 2023ko lehen hiruhilekoarekin alderatuta, garestitu egin dira hiru sektoreak: Bitarteko ondasunak %2,7 hazi dira, Kontsumo-ondasunak % 0,4 eta Kapital-ondasunak % 0,1.
Inportazioak aztertuta, agerian geratzen da hazkundea orokorra izan dela, bai urtetik urterako konparazioan, Kapital-ondasunak (% 15,7), Bitarteko ondasunak (% 11,1) eta Kontsumo-ondasunak hazi baitira (% 7,3), bai hiruhilekoen arteko alderaketan.
Esportazioen xede diren eremu ekonomikoak kontuan hartuta, prezioek goranzko joera erakusten dute eremu guztietan, aurreko urteko hiruhileko beraren aldean. ELGAn % 11,1 egin dute gora, EB-28n % 10,2, eurogunean % 8,9 eta munduko gainerako herrialdeetan % 20,3.
2023ko lehen hiruhilekoarekin alderatuta, joera errepikatu egiten da, baina askoz ere motelago: prezioak pixka bat igo dira eremu ekonomiko guztietan, batez ere munduko gainerako herrialdeetan (% 5,6); gainerako eremuetan igoera txikiagoa da: EB-28n eta ELGAn % 1,1eko hazkunde-tasa dute, eta eurogunean % 0,6koa.
Euskal AEko kanpo-merkataritzako balio bateratuaren indizeak, arlo ekonomikoen arabera (%). 2023/II
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 1,7 | 12,3 | 3,0 | 11,1 |
| | | | | |
| Euro eremua | 0,6 | 8,9 | 3,5 | 10,0 |
| EB-28 | 1,1 | 10,2 | 4,7 | 9,8 |
| ELGE | 1,1 | 11,1 | 3,8 | 13,2 |
| Munduko besteak | 5,6 | 20,3 | 0,9 | 6,4 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2023ko Irailaren 29a
Oinarria: Eustat. Kanpo-merkataritzaren unitate balioaren indizeak-UBI
Eremu geografiko guztietako inportazioetan ere prezioek gora egin dute. Aurreko hiruhilekoarekin alderatuta, EB-28 nabarmentzen da (% 4,7), eta, 2022ko hiruhileko berarekin alderatuta, ELGAren hazkundea nabarmentzen da (% 13,2).
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62